आदित्य ठाकरे CM शिंदेंवर का खवळले… दावोसला असं घडलं तरी काय?
Aditya Thackeray serious accusation on CM Shinde: मुंबई: मुख्यमंत्री एकनाथ शिंदे (CM Eknath Shinde) हे काही दिवसांपूर्वीच दावोस (Davos) दौऱ्यावर गेले होते. जिथे 1 लाख 67 हजार कोटींच्या गुंतवणुकीचे करार झाला असल्याचा दावा हा मुख्यमंत्र्यांनी केला आहे. याचबाबत आता शिवसेना (उद्धव बाळासाहेब ठाकरे) (Shiv Sena UBT) पक्षाचे आमदार आदित्य ठाकरेंनी (Aaditya Thackeray) आज (24 जानेवारी) […]
ADVERTISEMENT
Aditya Thackeray serious accusation on CM Shinde: मुंबई: मुख्यमंत्री एकनाथ शिंदे (CM Eknath Shinde) हे काही दिवसांपूर्वीच दावोस (Davos) दौऱ्यावर गेले होते. जिथे 1 लाख 67 हजार कोटींच्या गुंतवणुकीचे करार झाला असल्याचा दावा हा मुख्यमंत्र्यांनी केला आहे. याचबाबत आता शिवसेना (उद्धव बाळासाहेब ठाकरे) (Shiv Sena UBT) पक्षाचे आमदार आदित्य ठाकरेंनी (Aaditya Thackeray) आज (24 जानेवारी) मुंबईत पत्रकार परिषद घेऊन काही महत्त्वाचे सवाल उपस्थित करत मुख्यमंत्र्यांच्या या संपूर्ण दौऱ्यावरच जोरदार टीका केली आहे. (why did cm shinde reach davos late even though he took a charter plane aditya thackerays serious accusation)
‘अवघ्या एका दिवसात परतलेल्या मुख्यमंत्र्यांच्या या दावोस दौऱ्यात 40 कोटी तर खर्च झाले पण तरीही येथील बैठका आणि वेळापत्रक समोर आलं नाही. त्यामुळे मुख्यमंत्र्यांनी दावोसमध्ये जाऊन नेमकं काय केलं?’ असा सवाल उपस्थित करत आदित्य ठाकरेंनी मुख्यमंत्री शिंदेंना घेरण्याचा प्रयत्न केला आहे.
40 कोटींचं केलं काय? आदित्य ठाकरेंनी CM शिंदेना घेरलं!
‘आत जर आपण दावोस दौऱ्याचा थोडा अभ्यास केला तर असं कळून येतं की, महाराष्ट्र सरकारच्या जो अधिकृत कार्यक्रम होता तो एकंदर चार दिवसाचा असेल असं वाटतं. कारण 16 ते 20 असा कार्यक्रम ठरला होता. आता यावर अंदाजे खर्च हा 35 ते 40 कोटींच्या घरात आहे. हा खर्च अजूनही वाढू शकतो. कारण त्यांचा गेलेला मित्रपरिवार काही वेगळ्या गाड्या वापरल्या गेल्या. त्या खोलात मला जायचं नाही.’
‘म्हणजेच या चार दिवसांचा विचार केला तर खर्च हा सरासरी 10 कोटी प्रत्येक दिवसाला झाला. सरकारमध्ये खर्च दाखवायचा कसा हे त्यांना योग्य रितीने माहिती आहे. पण हे जरी झालं तरी महत्त्वाची गोष्ट म्हणजे दावोसला जाताना जे घटनाबाह्य मुख्यमंत्री आहेत त्यांनी चार्टर विमानाचा वापर केला. साधारणपणे 2 ते 2.30 कोटी यावर खर्च झाला असेल. हा खर्च देखील राज्यावर आला असेल.’
हे वाचलं का?
