नीरज चोप्राच नाहीतर अनेक पदक विजेते राहणार ‘कॉमनवेल्थ गेम’पासून दूर, ‘ही’ आहेत कारणं

कॉमनवेल्थ गेम्स 2022 28 जुलैपासून सुरू होत आहे. ही स्पर्धा इंग्लंडमधील बर्मिंगहॅम येथे खेळवली जात आहे. यासाठी भारतीय संघ आधीच बर्मिंगहॅमला पोहोचला आहे. यावेळी राष्ट्रकुल स्पर्धेसाठी 322 सदस्यीय भारतीय तुकडी आधीच जाहीर करण्यात आली आहे. भारतीय ऑलिम्पिक संघटनेने (IOA) या संघात 215 खेळाडूंचा समावेश केला आहे, तर 107 अधिकारी आणि सहाय्यक कर्मचारी असणार आहेत.

पण यावेळी भारतीय चाहत्यांसाठी एक वाईट बातमी देखील आहे. स्टार भालाफेकपटू नीरज चोप्रा, विश्वविजेती मेरी कोम आणि सायना नेहवाल यांच्यासह अनेक स्टार खेळाडू यावेळी राष्ट्रकुलमध्ये खेळताना दिसणार नाहीत. हे सर्वजण वेगवेगळ्या कारणांमुळे बाहेर पडले आहेत.