MS Dhoni ला मोठा दणका, बेदरकारपणे गाडी चालवण्याप्रकरणी दंडात्मक कारवाई, गृहनिर्माण मंडळाकडूनही नोटीस
MS Dhoni : धोनीच्या अडचणी केवळ वाहतूक दंडापुरत्या मर्यादित नसून, त्याला झारखंड राज्य गृहनिर्माण मंडळाकडूनही नोटीस बजावण्यात आली आहे. रांचीमधील हरमू रोडवरील एका निवासी भूखंडाचा कथितपणे व्यावसायिक वापर केल्याचा ठपका त्याच्यावर ठेवण्यात आला आहे. हा भूखंड केवळ निवासी कारणांसाठी देण्यात आला होता.
ADVERTISEMENT
बातम्या हायलाइट
MS Dhoni ला मोठा दणका
बेदरकारपणे गाडी चालवण्याप्रकरणी दंडात्मक कारवाई
गृहनिर्माण मंडळाकडूनही नोटीस
MS Dhoni : भारतीय क्रिकेट संघाचा माजी कर्णधार महेंद्रसिंग धोनी सध्या दोन वेगवेगळ्या कारणांमुळे चर्चेत आला आहे. रांचीमध्ये वाहतुकीच्या नियमांचे उल्लंघन केल्याप्रकरणी धोनीला 1,000 रुपयांचा दंड ठोठावण्यात आला आहे. त्याच्या निवासस्थानाजवळ असलेल्या ट्रॅफिक मॉनिटरिंग सिस्टमने धोनीच्या वाहनाचा वेग मर्यादेपेक्षा जास्त असल्याचे नोंदवले, त्यानंतर मोटर वाहन कायद्याच्या कलम 183 अंतर्गत त्याच्या नावावर ई-चलान जारी करण्यात आले. ही कारवाई स्वयंचलित देखरेख प्रणालीद्वारे करण्यात आली असून, नियमांचे उल्लंघन झाल्याचे स्पष्ट होताच तातडीने डिजिटल चलान जनरेट करण्यात आले.
राज्य गृहनिर्माण मंडळाकडूनही MS Dhoni ला नोटीस
धोनीच्या अडचणी केवळ वाहतूक दंडापुरत्या मर्यादित नसून काही दिवसांपूर्वी त्याला झारखंड राज्य गृहनिर्माण मंडळाकडूनही नोटीस बजावण्यात आली आहे. रांचीमधील हरमू रोडवरील एका निवासी भूखंडाचा कथितपणे व्यावसायिक वापर केल्याचा ठपका त्याच्यावर ठेवण्यात आला आहे. हा भूखंड केवळ निवासी कारणांसाठी देण्यात आला होता, मात्र त्याचा वापर व्यावसायिक कामांसाठी होत असल्याचा संशय प्राधिकरणाने व्यक्त केला आहे. धोनी सध्या रिंग रोडवरील नवीन निवासस्थानी राहत असला, तरी या जुन्या मालमत्तेशी संबंधित कायदेशीर प्रक्रियेमुळे पुन्हा एकदा वादाच्या भोवर्यात अडकला आहे.
'अनकॅप्ड प्लेयर' नियमांतर्गत 4 कोटी रुपयांमध्ये धोनीचं संघातील स्थान कायम
मैदानाबाहेरील या घडामोडी सुरू असतानाच, धोनी आता 'आयपीएल 2026' साठी सज्ज झाला आहे. चेन्नई सुपर किंग्सच्या ताफ्यात तो सामील झाला असून त्याने नेटमध्ये सराव करण्यास सुरुवात केली आहे. 2025 चा हंगाम चेन्नईसाठी अत्यंत निराशाजनक ठरला होता, ज्यात 14 पैकी 10 सामने गमावून संघ गुणतालिकेत तळाला राहिला होता. त्यामुळे आगामी हंगामात पुनरागमन करण्याचे मोठे आव्हान संघासमोर आहे. धोनीला 'अनकॅप्ड प्लेयर' नियमांतर्गत 4 कोटी रुपयांमध्ये संघात कायम ठेवण्यात आले असून, त्याच्या अनुभवाचा फायदा घेण्यास फ्रँचायझी उत्सुक आहे.
