Ind Vs Pak : वकार युनूसने मोहम्मद रिझवानच्या नमाज पठणावर केलेल्या विधानावर का निर्माण झालं वादंग?

भारत-पाकिस्तान सामन्यानंतर, ARY News या पाकिस्तानी वाहिनीवर चर्चेदरम्यान वकार युनूसने बाबर आझम आणि मोहम्मद रिझवान यांच्या खेळीचं कौतुक केलं. “बाबर आणि रिझवान ज्या पद्धतीने खेळले ते खरंच कौतुकास्पद होतं. दोघांनीही आक्रमक पण तितकाच संयमी खेळ केला. स्ट्राईक रोटेशन, चेहऱ्यावरचा आत्मविश्वास हे सर्वकाही पाहण्यासारखं होतं. यात सर्वात महत्वाची गोष्ट म्हणजे मोहम्मद रिझवानने मैदानात एवढ्या हिंदूंसमोर नमाज पठन केलं. माझ्यासाठी हे खूप खास होतं.”

“Rizwan offered Namaz during #INDvPAK match in middle of Hindus was most satisfying thing Mashallah, even more than his batting”

– Waqar Younis & Shoaib Akhtar discusspic.twitter.com/ELTVJSTqh4

— Pakistan Untold (@pakistan_untold) October 26, 2021

वकार युनूसचं हे वक्तव्य सध्या सोशल मीडियावर चांगलंच व्हायरल झालं आहे. या वक्तव्यावर चहुबाजूंनी टीका होत असताना भारतीय समालोचक हर्षा भोगले यांनीही वकार युनूसचा समाचार घेतला आहे. “वकार युनूससारख्या खेळाडूने असं वक्तव्य करणं हे खूपच निराशाजनक आहे. या खेळाचा ब्रँड अँबेसिडर म्हणून तुम्ही फक्त क्रिकेटपटू म्हणून विचार करायला हवा. मला आशा आहे की वकार याबद्दल माफी मागेल. आपल्याला क्रिकेट जगताला एकत्र करायचंय, धर्माच्या आधारावर ते विभागायचं नाहीये.”

BLOG : याला कारण एकच…आम्हाला पराभव सहन होत नाही !

मोहम्मद रिझवान आणि बाबर आझम या जोडीने पहिल्याच सामन्यात भारतीय बॉलर्सचा समाचार घेतला. रिझवानने नाबाद ७९ तर बाबर आझमने नाबाद ६८ धावांची इनिंग खेळली. भारताचे सर्व बॉलर पाकिस्तानी फलंदाजांसमोर हतबल दिसले.

तुमच्या खेळाडूंचा आदर करा ! शमीला ट्रोल करणाऱ्यांना पाकिस्तानी खेळाडूनेही सुनावलं