जैन मुनींसाठी पांढरी पट्टी, वाद विकोपाला; दोन्ही पक्ष समोरासमोर, पाहा व्हिडीओ

हेही वाचा : सेंटर पॉइंटः राष्ट्रवादी कॉंग्रेस नेमकं चालवतंय कोण? ‘ही’ Inside स्टोरी वाचून तुम्हीही व्हाल हैराण!

जैन मुंनींना ये-जा करण्यासाठी पांढऱ्या पट्ट्या 

या पट्ट्याबाबत स्पष्टीकरण देताना काही रहिवाशांनी सांगितले की, जैन मुंनींना अशा ठिकाणी चालताना अडचणी येतात. त्यामुळे त्यांना सहजपणे ये-जा करता यावी यासाठी हा पांढरा पट्टा रंगवण्यात आला. संबंधित रहिवाशांच्या मते, यामागे कोणताही वाद निर्माण करण्याचा हेतू नसून केवळ धार्मिक श्रद्धा आणि सोयीचा विचार करण्यात आला होता. सोसायटीच्या समितीकडून परवानगी घेऊनच हे काम करण्यात आल्याचेही त्यांनी स्पष्ट केले. तसेच, जर इतर रहिवाशांना यामुळे त्रास होत असेल तर भविष्यात अशी पद्धत अवलंबली जाणार नाही, असे आश्वासनही देण्यात आले.

हेही वाचा : सेंटर पॉइंटः राष्ट्रवादी कॉंग्रेस नेमकं चालवतंय कोण? ‘ही’ Inside स्टोरी वाचून तुम्हीही व्हाल हैराण!

फ्लॅटधारकांची संमती घेतल्याचा दावा 

मात्र या निर्णयाला विरोध करणाऱ्या रहिवाशांनी वेगळी भूमिका मांडली आहे. त्यांचे म्हणणे आहे की, सोसायटीतील जागा सर्वांची असून त्या जागेवर कोणत्याही एका धर्माशी संबंधित कायमस्वरूपी किंवा ठळक चिन्हांकन करणे योग्य नाही. हा निर्णय घेताना सर्व 33 फ्लॅटधारकांची संमती घेण्यात आली नसल्याचा आरोपही त्यांनी केला आहे. काही रहिवाशांनी हा विषय केवळ एका रेषेपुरता मर्यादित नसून सामायिक मालमत्तेच्या वापराच्या अधिकाराशी संबंधित असल्याचे म्हटले आहे. त्यामुळे हा निर्णय कशाच्या आधारावर घेण्यात आला, याची माहिती देण्याची मागणी समितीकडे करण्यात आली आहे.

एका फ्लॅट मालकाचा आंदोलनाचा इशारा 

या संपूर्ण वादादरम्यान दोन्ही बाजूंकडून आपापली भूमिका ठामपणे मांडली जात असली तरी अद्याप कोणताही अंतिम तोडगा निघालेला दिसत नाही. काही रहिवाशांनी ही पांढरी रेषा हटवण्याची मागणी केली असून त्यासाठी आंदोलन करण्याचाही इशारा दिला आहे. दुसरीकडे, संबंधित रहिवाशांनी कोणालाही दुखावण्याचा हेतू नसल्याचे सांगत संवादातून मार्ग काढण्याची तयारी दर्शवली आहे. त्यामुळे आता सोसायटी समिती, रहिवासी आणि संबंधित पक्ष यांच्यातील चर्चेनंतर या वादावर कोणता मार्ग निघतो, याकडे सर्वांचे लक्ष लागले आहे.