मुंबई: वाटेत अडवून पॉर्न व्हिडीओ दाखवला अन् 13 वर्षीय मुलीकडे शारीरिक संबंधाची मागणी... आरोपी अटकेत

20 जानेवारी 2026 ते 22 जानेवारी 2026 दरम्यान, दुपारी 2.30 ते 4.00 वाजताच्या सुमारास 13 वर्षांची अल्पवयीन विद्यार्थिनी लिबर्टी गार्डन कॅम्पसमध्ये ट्यूशनवरून परतत होती. आरोपीने पाठलाग करत वाटेत तिचा हात पकडला आणि तिला अश्लील व्हिडीओ दाखवून तिच्याकडे शारीरिक सुखाची मागणी केली. 

हे ही वाचा: पुणे: "आय मिस यू दिव्यांशी..." फेसबूक लाइव्ह करत तरुणाने संपवलं जीवन! 'त्या' कारणामुळे उचललं टोकाचं पाऊल

आरोपीविरुद्ध गुन्हा दाखल 

घटनेतील पीडितेच्या कुटुंबियांनी दिलेल्या तक्रारीच्या आधारे, मालाड पोलिसांनी तात्काळ बी.एन.एस. 2023 च्या कलम 74, 75, 78, 79 आणि पोक्सो अॅक्ट 10 आणि 12 अंतर्गत गुन्हा दाखल केला आहे. त्यानंतर, गुन्हे अन्वेषण पथकाने घटनास्थळापासून ते आरोपींच्या पळून जाण्याच्या मार्गापर्यंतचे 40 ते 50 सीसीटीव्ही कॅमेरे बारकाईने तपासले. टेक्निकल विश्लेषण आणि गुप्त माहितीच्या आधारे, दोन दिवसांच्या सतर्क देखरेखीनंतर आरोपीला शिताफी येथील त्याच्या निवासस्थानातून अटक करण्यात आली. आरोपीचं नाव सुनील शंकर पवार असून कांदिवली (पश्चिम) येथील एकता नगरमधील म्हाडा कॉम्प्लेक्सच्या श्री गणेश बिल्डिंगमध्ये रूम नं. 206 येथे राहतो. 

हे ही वाचा: वनऔषधी शोधताना दरीत कोसळले, कमलगिरी महाराजांचा दुर्दैवी अंत; छत्रपती संभाजीनगर हळहळलं

या संपूर्ण कारवाईत वरिष्ठ पोलीस निरीक्षक दुष्यंत चव्हाण यांच्या मार्गदर्शनाखाली तपास अधिकारी, उपनिरीक्षक निलोबा जक्कलवाद आणि गुन्हे अन्वेषण पथकाने कौतुकास्पद कामगिरी केली. मुलींची सुरक्षा ही केवळ कायद्याची जबाबदारी नाही, तर ती सामूहिक जबाबदारी असल्याचं या घटनेतून स्पष्ट होत आहे.