मुंबईची खबर: आता स्वप्नातील घर BMC मिळवून देणार! मुंबईतील 'या' परिसरात घरांसाठी BMC काढणार म्हाडासारखी लॉटरी...

जवळपास 110 घरांचं ठिकाण निश्चित

सध्या, बीएमसीला जवळपास 110 घरांचं ठिकाण निश्चित झालं असून बाकी घरांना देखील लवकरच स्थान मिळेल. या नव्या डेव्हलपमेंट प्लॅननुसार, 4000 स्क्वेअर मी पेक्षा मोठ्या भूखंडावर बांधकाम करताना बीएमसीला 20 टक्के घरे अत्यंत कमी आणि अल्प उत्पन्न गटातील लोकांसाठी बांधणं बंधनकारक आहे.

'या' ठिकाणी मिळतील घरे

बीएमसीला बिल्डर्सकडून कांजुरमार्ग, भायखळा, बोरीवली, अंधेरीच्या परिसरात ही घरे मिळणार आहेत. 2018 मध्ये नव्या डेव्हलपमेंट प्लॅन (डीपी) ची मंजूरी मिळाल्यानंतर या प्लॉटमध्ये बिल्डिंगचं बांधकाम पूर्ण झालं आहे. एका अधिकाऱ्याने दिलेल्या माहितीनुसार, मुंबईमध्ये सर्वांना घर देण्याचं स्वप्न पूर्ण करण्याच्या उद्देशाने हा निर्णय घेण्यात आला आहे. येणाऱ्या काही महिन्यांतच 300 ते 400 आणखी घरे मिळणार असून ती लॉटरीच्या माध्यमातून मुंबईतील रहिवाशांना देण्यात येणार असल्याचं बीएमसीच्या अधिकाऱ्यांनी सांगितलं. 

हे ही वाचा: Govt Job: कोणत्याही परीक्षेशिवाय मिळवा 22 लाख पॅकेज असलेली नोकरी! कसं कराल अप्लाय?

कशी काढली जाणार घरांची लॉटरी? 

बीएमसीने लॉटरीच्या माध्यमातून घरांची विक्री करण्यासाठी म्हाडासारखीच प्रक्रिया अवलंबण्याचा निर्णय घेतला आहे. एका अधिकाऱ्याने दिलेल्या माहितीनुसार, BMC म्हाडाप्रमाणे लॉटरीसाठी रजिस्ट्रेशन आणि इतर कागदपत्रांची प्रक्रिया पूर्ण करणार आहे आणि यानंतर लॉटरी काढली जाईल. या घरांची लॉटरी काढण्यासाठी म्हाडाशी संपर्क साधण्याचा विचार असल्याचा अधिकाऱ्याने सांगितलं. म्हाडाप्रमाणे, ही लॉटरी काढण्यासाठी नवी पद्धत विकसित करावी लागणार असल्याचं सांगण्यात येत आहे. 

हे ही वाचा: रोहित शर्माला वनडेच्या कर्णधारपदावरुन हटवलं, ऑस्ट्रेलिया दौऱ्यासाठी टीम इंडियाची घोषणा; भारताचं नेतृत्व कोण करणार?

निधीची आवश्यकता

बीएमसीने मागील काही वर्षांमध्ये बऱ्याच नव्या इन्फ्रास्ट्रक्चर प्रोजेक्टच्या योजना बनवल्या आहेत. सध्या, BMC जवळ सुमारे 70,000 कोटी रुपयांची रक्कम जमा आहे. हे प्रोजेक्ट पूर्ण करण्यासाठी अंदाजे 2 लाख कोटी रुपयांचा खर्च येईल. त्यामुळे, बीएमसीला निधीची आवश्यकता आहे. अशातच, बीएमसी उत्पन्नाचे नवीन मार्ग शोधत असल्याची माहिती तज्ज्ञांनी दिली.