Stuti Sonawane Suicide Case : ताज हॉटेलमध्ये बर्थडे सेलिब्रेशन, आनंदी ठेवलं, पण अचानक फैजुलचा स्वभाव बदलला

सुसाईड नोटमधून धक्कादायक खुलासा

पोलिसांनी दिलेल्या माहितीनुसार, जप्त केलेल्या सुसाईड नोटमध्ये स्तुतीने त्यांच्या नात्यातील चढ उतारांचे सविस्तर वर्णन केले आहे. फैजुलने तिचा वाढदिवस ताज हॉटेलमध्ये साजरा केला होता आणि सुरुवातीला त्यांचे संबंध अतिशय चांगले होते. मात्र, काही काळानंतर फैजुलच्या वागण्यात अचानक बदल झाला. तो तिच्यावर संशय घेऊ लागला आणि वारंवार तिचा अपमान करू लागला. या मानसिक त्रासामुळे आणि अपमानास्पद वागणुकीमुळे स्तुती प्रचंड तणावाखाली होती, ज्यातून तिने राहत्या घरी स्कार्फने गळफास लावून आपले जीवन संपवले.

हेही वाचा : 'मुलाचा वाढदिवस आहे, घरी ये' तरुणाला रुममध्ये नेलं अन्.. महिलेने 'असा' रचला हनी ट्रॅपमध्ये अडकवण्याचा सापळा

पालकांनी फोडला दरवाजा आणि सत्य समोर आले

ही घटना 8 मार्चच्या रात्री घडली, जेव्हा स्तुतीचे आई वडील बाहेर जेवायला गेले होते. रात्री उशिरा घरी परतल्यावर तिच्या खोलीचा लाईट चालू असल्याने ती अभ्यास करत असावी असे पालकांना वाटले. मात्र, दुसऱ्या दिवशी सकाळी 10 वाजेपर्यंत तिने दरवाजा न उघडल्याने आणि हाकेला प्रतिसाद न दिल्याने पालकांनी दरवाजा तोडला. त्यावेळी त्यांना मुलीचा मृतदेह लटकलेल्या अवस्थेत आढळला. या घटनेने परिसरात मोठी खळबळ उडाली असून स्तुतीच्या वडिलांनी आरोपीला कठोर शिक्षा व्हावी अशी मागणी केली आहे.

लव्ह जिहादचा प्रकरण नाही, पोलीसांनी सगळं सांगितलं 

या प्रकरणाला सामाजिक वळण लागण्याची शक्यता लक्षात घेता पोलिसांनी स्पष्ट केले आहे की आतापर्यंतच्या तपासात या घटनेला लव्ह जिहादचा कोणताही कोन असल्याचे दिसून आलेले नाही. हे प्रकरण वैयक्तिक वाद आणि मानसिक छळाशी संबंधित असल्याचे प्राथमिक तपासात समोर आले आहे. आरोपी फैजुलला पोलिसांनी अटक केली असून त्याला न्यायालयात हजर करण्यात येणार आहे. स्तुतीचे वडील बजरंग सोनावणे यांनी सांगितले की, माझ्या मुलीसोबत जे घडले ते देशातील इतर कोणाही मुलीसोबत घडू नये, यासाठी दोषीला कडक शासन व्हायला हवे.

इतर महत्त्वाच्या बातम्या 

CRPF जवानाला मरेपर्यंत जन्मठेपेची शिक्षा, हॉटेल बुक करुन स्वत:च्याच अल्पवयीन मुलींवर करायचा अत्याचार, जाणून घ्या संपूर्ण प्रकरण