इंदापूर : महिलेच्या पोटात बाळ, 'त्या' कारणावरून पतीकडून पत्नीवर धारदार शस्त्राने हल्ला करत संपवलं, मृतदेहावरील टॅटूने...

हे ही वाचा : चला पुण्याला म्हणत पहाटे साडे तीन वाजता लिफ्ट दिली, रस्त्यात गाडी थांबवून महिलेला झाडीत नेलं, नको तेच... लाज आणणारी घटना

पतीने गर्भवती पत्नीवर केले वार 

मृत महिलेचे नाव दीपाली सुदर्शन जाधव (वय 30) असे आहे. तसेच आरोपी पतीचं नाव सुदर्शन उर्फ ​​रविराज रणजीत जाधव (वय  36) याने तिच्या हत्येची कबुली दिली आहे. पोलिसांनी आरोपी रविराजला 31 ऑक्टोबरपर्यंत पोलीस कोठडी सुनावली आहे. महिलेच्या पोटात वाढणाऱ्या बाळावरून दोघांमध्ये 12 ऑक्टोबर रोजी कटफळ येथील राहत्या घरात वाद झाला. हा वाद इतका वाढत गेता की, सुदर्शनने पत्नी दीपालीच्या डोक्यावर धारदार शस्त्राने वार केले. या हल्ल्यात महिलेचा जागीच मृत्यू झाला. 

'त्या' टॅटूवरून घटनेचा सत्य समोर 

रविराजने पुरावे नष्ट करण्यासाठी मृतदेह एका चादरीत गुंडाळला आणि मदनवाडी येथील पुलाच्या पाण्यात फेकून दिला होता. त्यानंतर 22 ऑक्टोबर रोजी महिलेचा मृतदेह कुजलेल्या अवस्थेत पोलिसांना सापडला होता. तपास करताना महिलेच्या हातावर रविराज नावाचे टॅटू आढळून आले होते. या प्रकरणाचा तपास भिगवण पोलिसांनी केले असता, मृत महिलेचा फोटो जवळच्या पोलीस ठाण्यात पाठवला. हातावरील टॅटू हाच एक पुरावा असं समजून पोलिसांनी रविराजचा शोध घेण्यास सुरुवात केली, तेव्हा पोलिसांनी भलताच संशय आला होता. 

हे ही वाचा : मोठी बातमी: महिला डॉक्टर आत्महत्या प्रकरणाला वेगळंच वळण; आरोपी पीएसआय गोपाळ बदने पोलिसांना शरण...

टॅटूवरून पोलिसांनी सुदर्शन जाधवची चौकशी केली. तेव्हा पोलिसांना काहीतरी गडबड असल्याचा संशय आला होता. प्रकरणाच्या एकूण चौकशीनंतर आरोपीने गुन्ह्याचा कबुलीनामा दिला. पोलिसांनी संबंधित आरोपीच्या मुसक्या आवळल्या आहेत.