पुणे : 'तुला संसार जमत नाही, तुझे डोळे बारीक आहेत', सूनेला सासरच्यांनी सतत हिणवलं, अखेर पीडितेनं उचललं टोकाचं पाऊल

हे ही वाचा : सॉफ्टवेअर इंजिनिअरची OYO हॉटेलमध्ये गळफास घेत आत्महत्या, कुटुंबीयांचा धक्कादायक दावा म्हणाले, 'आमचा मुलगा...'

कोंढवा पोलीस ठाण्यात गुन्हा दाखल 

याबाबत हितश्री संदेश शहा (वय 57) यांनी या प्रकरणाबाबत कोंढवा पोलीस ठाण्यात तक्रार दाखल केली. त्यावरून पोलीसांनी पती निलेश शहा, सासु संगीता शहा, दीर प्रशांत शहा आणि नणंद ममता व्होरा यांच्यावर पोलिसांनी गुन्हा दाखल केला आहे. 

पोलिसांनी दिलेल्या माहितीनुसार, दिशा यांचा निलेश दिलीप शहा यांच्यासोबत जैन समाजाच्या रुढी आणि परंपरेने 20 डिसेंबर 2024 मध्ये विवाह झाला होता. निलेश शहा हा खासगी नोकरी करत होता. त्याने विवाह झाल्यानंतर दिशा हिला नोकरी सोडण्यास जबरदस्ती केली. विवाहानंतर सर्वचजण तिला त्रास देत होते. तु कामात अगदीच धीमी आहेस, तुला संसारच जमत नाही. तुझे डोळे खूपच छोटे आहेत, असे बोलून तिला अनेकदा मानसिक त्रास देण्यास सुरुवात केली. 

तुम्ही हिचं लग्न का लावून दिलं? पतीचा पीडितेच्या कुटुंबाला सवाल

तिने बनवलेला स्वयंपाक कोणीही खात नव्हते, यामुळे तिचे मानसिक संतुलन आणखीच बिघडून गेले होते. 29 सप्टेंबर रोजी पती निलेश शहा , संगीता शहा, ममता व्होरा यांनी दिशाला आपल्यासोबत घेतलं आणि माहेरी आणलं. ममता व्होरा फिर्याद दाखल केलेल्या माहेरच्या मंडळींना म्हणाली की, तुम्ही हिचं लग्न का लावून दिलं? त्यानंतर पीडितेचा पती निलेश म्हणाला की, तिला संसार करता येणार नाही, असं सांगून सासरचे मंडळी तिथून निघून गेले. 

हे ही वाचा : लातूर हादरलं! 9 वर्षाच्या चिमुकलीवर 50 वर्षीय वासनांध पुरुषाने खोलीत नेतं केलं लैंगिक शोषण, नंतर गुप्तांग दुखू लागल्यानं...

पतीने तिच्या अंगावरील दागिने काढून नेले

त्यानंतर 28 सप्टेंबर रोजी पीडितेचा पती निलेश आणि संगीता यांनी तिचे कपडे आणले आणि दिले. तेव्हा निलेश वाद घालून पीडितेच्या कानातील, गळ्यातीन सोनं घेतलं आणि घटस्फोटाबाबत मागणी केली आणि तिथून ते निघून गेले. त्यानंतर दिशा आणखीनच मानसिक तणावाखाली आली. 3 ऑक्टोबर रोजी दुपारी दीड वाजताच्या सुमारास फिर्यादी एटीएममध्ये पैसे काढण्यासाठी गेल्या होत्या. तेव्हा काही वेळानंतर  त्या परत येईपर्यंत दिशाने टोकाचं पाऊल उचलत आत्महत्या केली. संबंधित प्रकरणात पोलीस पुढील चौकशी करत आहेत.