कोयत्यांचा हैदोस थांबेना! टोळक्यानं घरी जाणाऱ्या कामगाराला अडवून कोयत्यानं सपासप वार केले आणि नंतर...

हे ही वाचा >> एकाच स्कार्फने दोघांनी जीवन संपवलं! ट्रकचालक रोहित आणि डी फार्म'च्या विद्यार्थीनीमध्ये काय घडलं?

कोयत्याने हल्ला करून पळून गेले आरोपी...

नरेश तिडंगे हे धानोरी रोड परिसरात काम करतात. बुधवारी रात्री तीन तरुणांनी त्यांची वाट अडवून कोयत्याने हल्ला केला. स्थानिक नागरिकांनी धाव घेऊन हस्तक्षेप केल्यानंतर हल्लेखोरांनी घटनास्थळावरून पलायन केलं. या हल्ल्यात जखमी झालेल्या नरेश यांना तातडीने रुग्णालयात दाखल करण्यात आलं असून, त्यांच्यावर उपचार सुरू आहेत.

सीसीटीव्ही फुटेज तपासत पोलिसांनी मुसक्या आवळल्या...

घटनेची माहिती मिळताच विश्रांतवाडी पोलिसांनी घटनास्थळी धाव घेत तपास सुरू केला. सीसीटीव्ही फुटेजच्या आधारे दोन आरोपींना अटक करण्यात आली आहे. हे दोघेही विश्रांतवाडी परिसरातील रहिवासी असून, तिसऱ्या फरार आरोपीचा शोध सुरू आहे. हल्ल्यामागील कारणाचा तपास पोलिसांकडून सुरू आहे.

हे ही वाचा >> भरदिवसा नग्न झाले आणि स्मशानभूमीत केला अघोरी प्रकार, कोल्हापुरातील विचित्र घटना काय? CCTV समोर

दरम्यान, या घटनेमुळे विश्रांतवाडी परिसरात खळबळ उडाली असून, नागरिकांमध्ये भीतीचं वातावरण आहे. पोलिसांनी तपासाची चक्र वेगाने फिरवत फरार आरोपीला लवकरच अटक करण्याचं आश्वासन दिलं आहे.