पुण्यात क्रेनचा पट्टा तुटल्याने अपघात, सळई पडून महिला कामगाराचा दुर्दैवी मृत्यू

हे ही वाचा : नागपूर : 64 वर्षीय महिलेवर बैलाने हल्ला केला, पीडितेच्या मेंदूला जबर मार, मृत्यूशी देते झुंज.. Video व्हायरल

या अपघातात मृत्यू झालेल्या महिलेचे नाव वैशाली मारूती भोसले (वय 47) असे आहे. हडपसर येथील रामटेकडी परिसरातील औद्योगिक वसाहतीतील एका खासगी कंपनीच्या आवारात लोखंडी जिना तयार करायचे काम सुरु होते. 18 फेब्रुवारी रोजी वैशाली आणि सहकारी पिण्याचे पाणी आणण्यासाठी कंपनीच्या आवारातून निघाल्या असताना क्रेनद्वारे लोखंडी सळई उचलण्याचे काम सुरु होते. 

लोखंडी सळई वैशालीच्या डोक्यात पडून दुर्दैवी मृत्यू

याचदरम्यान, क्रेनचा पट्टा अचानकपणे तुटला आणि लोखंडी सळई थेट वैशालीच्या डोक्यात पडली. या दुर्घटनेत तिच्या डोक्याला जबर मार लागून ती जखमी झाली, त्यानंतर तिला खासगी रुग्णालयात दाखल केल्यानंतर डॉक्टरांनी तिला मृत घोषित केले. 

हे ही वाचा : कल्याण रेल्वे स्थानकावर लोकलमध्ये महिलांनी एकमेकींच्या उपटल्या झिंझ्या, व्हिडिओ होतोय व्हायरल

वानवडी पोलिसांनी घटनास्थळी धाव घेत तपास केला, प्राथमिक चौकशीत क्रेनचालक आणि ठेकेदोरांनी आवश्यक उपाययोजना न केल्याचे आढळून आले. कामाच्या ठिकाणी सुरक्षिततेच्या नियमांकडे देखील दुर्लक्ष झाल्याने ही दुर्घटना घडली. या प्रकरणाचा पोलीस अधिक तपास करत आहे.