सफाई कामगार महिलेच्या ईमानदारीपुढे सोनंही फिकं पडेल, 45 लाख रुपयांच्या सोन्याने भरलेली बॅग पोलिसांकडे सोपवली

क्षणभरासाठी ती सुन्न झाली आणि इतकं सोनं नेमकं कोणाचं असेल? हा प्रश्न तिच्या मनात आला. नंतर, ते दागिने सुमारे 45 तोळे असून, त्यांची किंमत जवळपास 45 लाख रुपये असल्याचं समोर आलं. खरं तर, या सोनं घेऊन पद्माचं आयुष्यच बदलून गेलं असतं. मात्र, ते सोनं स्वत:कडे ठेवण्याऐवजी ती सोन्याने भरलेली बॅग घेऊन ती थेट पोलीस स्टेशनमध्ये पोहोचली आणि ती बॅग तिला सफाई करताना सापडली असल्याचं पद्माने पोलिसांना सांगितलं. 

महिला सफाई कर्मचाऱ्याच्या प्रामाणिकपणाचं कौतुक 

ती बॅग पाहून पोलिसांना सुद्धा मोठा धक्का बसला. पोलिसांनी तातडीने रेकॉर्ड तपासण्यास सुरूवात केली आणि नंगनल्लूर येथील रहिवासी असलेल्या रमेश नावाच्या व्यक्तीने काही वेळापूर्वी त्यांची सोन्याने भरलेली बॅग हरवल्याची तक्रार दाखल केल्याचं समोर आलं. त्यानंतर, रमेशला पोलीस ठाण्यात बोलवण्यात आलं आणि ओळख पटल्यानंतर ती बॅग रमेशकडे सोपवण्यात आली. त्यावेळी, रमेशसह पोलीस स्टेशनमध्ये उपस्थित असलेल्या सर्वांनी पद्माच्या प्रामाणिकपणाचं कौतुक केलं. 

हे ही वाचा: 'मॅडम इथं दुखतंय...', अंगणवाडीतील चिमुकलीने शिक्षिकेला सांगितलं अन् मोठ्या दादानेच अत्याचार केल्याचं समोर

या प्रकरणादरम्यान, पोलिसांनी माहिती देताना सांगितलं की कोरोना महामारीच्या काळातील लॉकडाउनदरम्यान पद्माच्या पतीला मरीना बीचजवळ 1.5 लाख रुपये कॅश सापडली होती. त्यावेळी, त्यांनी देखील ते पैसे पोलिसांकडे सोपवले. आता, मीडिया ते सोशल मीडियावर पद्मा आणि पतीच्या प्रामाणिकपणाची चर्चा होत असल्याचं दिसून येत आहे. 

हे ही वाचा: "लोकांच्या समस्या सोडवण्यास जायला हवं होतं, पण नगरसेवक फाईव्ह स्टार हॉटेलमध्ये ‘आनंदाने’ कैद"

मुख्यमंत्र्यांकडून सन्मानित 

यानंतर, तमिळनाडूचे मुख्यमंत्री एम. के. स्टालिन यांच्यापर्यंत ही बातमी पोहोचली आणि त्यांनी पद्माला सन्मानित करण्याचा निर्णय घेतला. मुख्यमंत्र्यांनी पद्माला सन्मानपत्र आणि 1 लाख रुपये रोख रक्कम देऊन सन्मानित केलं आणि अशा महिला समाजाची खरी ताकद असल्याचं त्यांनी सांगितलं. प्रसिद्ध ललिता ज्वेलरीच्या मालकांनीही पद्माच्या प्रामाणिकपणाचे कौतुक केलं आणि त्यांनी पद्मा तसेच तिच्या पतीला आपल्या घरी बोलवून त्यांचा सन्मान केला.