आधी धक्का दिला..नंतर हेल्मेट खेचलं! मैदानावरच खेळाडूंमध्ये झाली कुटाकुटी..Video तुफान व्हायरल

बांगलादेशचा 22 वर्षीय फलंदाज रिपोन मंडल आणि दक्षिण आफ्रिकेचा 29 वर्षीय गोलंदाज शेपो एंतुली यांच्यात वाद झाला. दोघांमध्ये बाचाबाची झाली आणि दोघेही एकमेकांना भिडले. पण या प्रकरणावर कोणतीही ऑफिशियल अॅक्शन घेण्यात आली नाही. अंपायर लवकरच याप्रकरणावर त्यांचा रिपोर्ट देऊ शकतात. खेळाडूंच्या हाणामारीचा व्हिडीओ सोशल मीडियावर तुफान व्हायरल झाला आहे. 

हे ही वाचा >> मोठी बातमी! निलेश चव्हाणला अखेर नेपाळ बॉर्डरवरून अटक

काय आहे संपूर्ण प्रकरण?

जेव्हा फलंदाज रिपोनने एंतुलीच्या चेंडूवर थेट षटकार ठाकला, त्यानंतर रिपोन त्याचा सहकारी फलंदाज मेहदी हसनकडे जात होता, तेव्हा ही घटना घडली. रिपोन आणि एंतुली एकमेकांकडे पाहू लागले. तेव्हा एंतुली रागाच्या भरात रिपोनवर धावला. दोन्ही खेळाडूंनी एकमेकांना ढकललं. त्यानंतर एंतुलीने रिपोनचा हेल्मेट खेचला. अंपायरने खेळाडूंना समजावण्याचा प्रयत्न केला.

पण एंतुलीने पुन्हा एकदा हेल्मेट खेचला. त्यानंतर अंपायरने दोन्ही खेळाडूंना वेगवेगळ्या ठिकाणी पाठवलं. मैदानात उभे असलेले दक्षिण आफ्रिकेच्या एमर्जिंग टीमचे खेळाडूही एंतुलीला रोखू शकले नाहीत. या प्रकरणावर समालोचकांनीही कमेंट्स दिल्या. ऑन एअर कमेंटेटर नाबिल कायजरने म्हटलं, हे तर खूप जास्तच झालं. हे स्वीकारार्ह नाहीय. आम्ही नेहमी क्रिकेटच्या मैदानात बाचाबाची झाल्याचं पाहतो. पण अशाप्रकारचं भांडण आम्ही याआधी पाहिलं नाही. 

हे ही वाचा >> पुतण्याचे काकीसोबत शारीरिक संबंध, निळ्या ड्रमला घाबरून पतीने घेतला भलताच निर्णय!