छत्रपती संभाजीनगर : ट्रॅफिक पोलिसाच्या अंगावर रिक्षा घातली, अन् नंतर फरफटत नेलं; पाहा व्हिडीओ

घटनास्थळावरून मिळालेल्या माहितीनुसार, युसुफ मोहम्मद अली अन्सारी नावाच्या ऑटोचालकाने प्रथम टाकसाले यांना उडवले. त्यानंतर दुसऱ्यांदा जाणीवपूर्वक ऑटो चढवण्याचा प्रयत्न केला. या गोंधळात अमलदार टाकसाले ऑटोच्या खाली अडकले. काही अंतरापर्यंत त्यांना फरफटत नेलं असून चालकाने रिक्षा थांबवली देखील नाही. मात्र, अशा परिस्थिती स्वतःला बाहेर काढण्यात ट्रॅफिक पोलिसाने यश मिळवले. त्या वेळी ऑटोमध्ये काही प्रवासीही उपस्थित होते, त्यामुळे त्यांच्या जीवितालाही धोका निर्माण झाला होता.

हेही वाचा : गौरी पालवेचा अंत्यविधी अनंत गर्जेच्या घरासमोर करण्यासाठी सरण आणलं, नातेवाईकांमध्ये वादावादी, पोलिसांनी तळ ठोकला

दरम्यान, अपघात घडताच आरोपी ऑटोचालक वाहनासह पळून गेला. पोलिसांनी तात्काळ परिसरातील सीसीटीव्ही फुटेज तपासले. त्यात ही संपूर्ण घटना स्पष्टपणे कैद झाली असून सोशल मीडियावर हा व्हिडिओ वेगाने व्हायरल होत आहे. पोलिस कर्मचाऱ्याला धडक देणारा ऑटो आणि चालक ओळखल्यानंतर वेदांतनगर पोलिसांनी तत्काळ गुन्हा दाखल केला.

काही तासांच्या शोधमोहीमेनंतर आरोपी युसुफ मोहम्मद अली अन्सारी याला पोलिसांनी ताब्यात घेतले. त्याच्यावर शासकीय कर्मचाऱ्यावर जीवघेणा हल्ला, वाहतूक नियमांचे उल्लंघन आणि निष्काळजीपणे वाहन चालवण्याचे गुन्हे नोंदवण्यात आले आहेत. जखमी तुकाराम टाकसाले यांच्यावर उपचार सुरू असून त्यांची प्रकृती सध्या स्थिर असल्याची माहिती रुग्णालयातून देण्यात आली आहे.

या घटनेमुळे वाहतूक पोलिसांच्या सुरक्षेचा प्रश्न पुन्हा एकदा ऐरणीवर आला आहे. ड्युटीवर असताना पोलिसांच्या जीवाला धोका निर्माण करणाऱ्या घटनांमध्ये वाढ होत असल्याचे निरीक्षण व्यक्त केले जात आहे. दरम्यान, या घटनेचा व्हिडिओ व्हायरल झाल्याने नागरिकांतही संतापाची लाट उसळली असून आरोपीला कठोर शिक्षा देण्याची मागणी होत आहे.

इतर महत्त्वाच्या बातम्या 

कोल्हापूर : निवडणूक लढायचीये माहेरी जाऊन 10 लाख आण, सासऱ्याची मागणी; सूनेची गळफास घेऊन आत्महत्या