गौरी पालवेचा अंत्यविधी अनंत गर्जेच्या घरासमोर करण्यासाठी सरण आणलं, नातेवाईकांमध्ये वादावादी, पोलिसांनी तळ ठोकला
Gauri Palave funeral in front of Anant Garje house Preparations : गौरी पालवेचा अंत्यविधी अनंत गर्जेच्या घरासमोर करण्यासाठी तयारी, नातेवाईकांमध्ये वादावादी, पोलिसांनी तळ ठोकला
ADVERTISEMENT
बातम्या हायलाइट
गौरी पालवेचा अंत्यविधी अनंत गर्जेच्या घरासमोर करण्यासाठी तयारी
नातेवाईकांमध्ये वादावादी, पोलिसांनी तळ ठोकला
Gauri Palave funeral in front of Anant Garje house Preparations : पाथर्डी तालुक्यातील देवडे गावात राज्याच्या पर्यावरण मंत्री पंकजा मुंडे यांचे स्वीय सहाय्यक अनंत गर्जे यांच्या पत्नी डॉक्टर गौरी पालवे यांच्या मृत्यू प्रकरणानंतर तणावाचं वातावरण निर्माण झालं आहे. गौरीच्या मृत्यूला जबाबदार अनंत गर्जे असल्याचा आरोप करत तिच्या नातेवाईकांनी अत्यंत आक्रमक भूमिका घेतली आहे. त्यांनी अनंतच्या घरासमोरच गौरीच्या पार्थिवावर अंत्यसंस्कार करण्याचा आग्रह धरला असून परिसरात मोठा गोंधळ उडाला आहे.
गौरीने अनंतच्या मानसिक त्रासाला कंटाळून आत्महत्या केल्याचा आरोप तिच्या कुटुंबीयांनी केला आहे. त्यामुळेच अंत्यविधी गर्जे यांच्या घरासमोर करण्याची नातेवाईकांची मागणी आणखी तीव्र झाली आहे. परिस्थिती गंभीर बनू नये म्हणून पाथर्डी पोलिसांनी मौज देवडे गावात तातडीने बंदोबस्त उभारला आहे. पोलिस अधिकारी नातेवाईकांशी सतत संवाद साधत त्यांची समजूत काढण्याचा प्रयत्न करत आहेत.
मुंबईतील वरळी येथे शनिवारी राहत्या घरी गौरी पालवे (वय 28) यांनी गळफास घेऊन आत्महत्या केल्याची धक्कादायक घटना समोर आली. फक्त नऊ महिन्यांपूर्वीच अनंत गर्जेशी तिचा विवाह मोठ्या थाटामाटात झाला होता. मात्र पतीचे कथित अनैतिक संबंध आणि सततचे वाद यामुळे गौरी तणावात असल्याचे तिच्या कुटुंबीयांनी सांगितले. या आरोपांनंतर वरळी पोलिसांनी अनंत गर्जे यांच्या विरोधात आत्महत्येस प्रवृत्त केल्याचा गुन्हा दाखल करून त्याला अटक केली आहे.
हेही वाचा : बॅरियर तोडून ट्रक झाला पलटी, पुणे-मुंबई महामार्गावरील भीषण अपघातात कारचा चेंदामेंदा, दोघांचा दुर्दैवी अंत...
हे वाचलं का?
