मासिक पाळी आल्याने आईने मुलीला दोन वर्षे अंधाऱ्या खोलीत कोंडून ठेवलं, धक्कादायक प्रकाराने पोलिसही हादरले
Mother locked daughter in dark room for two years because she got her period : मासिक पाळी आल्याने आईने मुलीला दोन वर्षे अंधाऱ्या खोलीत कोंडून ठेवलं, धक्कादायक प्रकाराने पोलिसही हादरले
ADVERTISEMENT
बातम्या हायलाइट
मासिक पाळी आल्याने आईने मुलीला दोन वर्षे अंधाऱ्या खोलीत कोंडून ठेवलं
धक्कादायक प्रकाराने पोलिसही हादरले
श्रीकाकुलम : आंध्र प्रदेशातील श्रीकाकुलम जिल्ह्यातील इच्छापुरम परिसरात अंधश्रद्धेच्या अतिरेकामुळे घडलेली एक धक्कादायक घटना समोर आली आहे. येथे एका 15 वर्षीय मुलीला तिच्या स्वतःच्या आईने जवळपास दोन वर्षे अंधाऱ्या खोलीत कैद करून ठेवले होते. मुलीची आई भाग्यलक्ष्मी हिच्या या कृतीमुळे संपूर्ण परिसरात संताप आणि आश्चर्य व्यक्त केले जात आहे.
मुलीला मासिक पाळी आल्याने दोन वर्ष अंधाऱ्या खोलीत कोंडलं
मुलीला मासिक पाळी सुरू झाल्यानंतर भाग्यलक्ष्मीने तिला बाहेरील जगापासून पूर्णपणे दूर ठेवले. तिच्या पतीच्या निधनानंतर ती मानसिक धक्क्यात होती आणि त्यानंतर तिचा अंधश्रद्धेकडे कल वाढत गेला. तिने मुलगी बाहेर गेल्यास काही अपशकुन होईल किंवा तिच्यावर अनिष्ट संकट कोसळेल, अशी गैरसमजूत मनात बाळगली. या भीतीतूनच तिने मुलीला खोलीत बंद ठेवत त्या खोलीतील वीजपुरवठादेखील खंडित केला. मुलगी अनेक महिने प्रकाश न पाहता अंधारात राहत होती.
हेही वाचा : बॅरियर तोडून ट्रक झाला पलटी, पुणे-मुंबई महामार्गावरील भीषण अपघातात कारचा चेंदामेंदा, दोघांचा दुर्दैवी अंत...
मुलगी शारीरिक आणि मानसिकदृष्ट्या कमकुवत अवस्थेत आढळली
या काळात मुलगी शाळेत न जाताच बेपत्ता असल्याचे लक्षात येताच स्थानिक अंगणवाडी कार्यकर्त्यांना शंका आली. त्यांनी मुलीसंदर्भातील माहिती आयसीडीएस (ICDS) विभागातील अधिकाऱ्यांना दिली. अधिकाऱ्यांनी तात्काळ तपास सुरु करत पोलिसांना कळवले. पोलिसांनी घटनास्थळी जाऊन मुलीची सुटका केली. मुलगी शारीरिक आणि मानसिकदृष्ट्या कमकुवत अवस्थेत आढळली.
हे वाचलं का?
