कॉकरोच जनता पार्टीच्या जंतर मंतरवरील मोर्चातील कॅमेरा पलिकडच्या गोष्टी

हेही वाचा : ‘त्या’ भव्य-दिव्य सोहळ्याला एकनाथ शिंदेंना बोलवायला विसरले की डावललं? , राजकारणाच्या नव्या डावाने कोणाची विकेट?

आंदोलनात कोणत्या संघटनांचा सहभाग?

या आंदोलनात एसएफआय (SFI), AISA आणि जेएनयू (JNU) मधील विद्यार्थी संघटनांनी सक्रीय सहभाग घेतला होता. जरी काही क्षणी या संघटना आणि 'कॉक्रोच जनता पक्षा'चे (CJP) समर्थक यांच्यात समन्वयाची कमतरता जाणवत असली, तरी शिक्षण व्यवस्थेतील त्रुटी आणि बेरोजगारी या समान उद्देशासाठी ते रस्त्यावर उतरले होते. आंदोलनादरम्यान काही गटांनी भारतविरोधी घोषणांचा आरोप करत आंदोलकांना डिवचण्याचा प्रयत्न केला, ज्यामुळे काही ठिकाणी बाचाबाचीचे प्रसंग घडले. मात्र, दिल्ली पोलिसांनी या सर्व परिस्थितीवर अत्यंत संयमाने नियंत्रण ठेवले आणि कुठलाही अनुचित प्रकार टाळला.

हेही वाचा : समजून घ्याः INDIA आघाडीचे नेते भेटले, पण हातातून 51 खासदार निसटले?

डिजिटल कंटेंट क्रिएटर्स आणि युट्युबर्सची मोठी गर्दी

माध्यमांच्या उपस्थितीबाबत बोलायचे तर, तिथे डिजिटल कंटेंट क्रिएटर्स आणि युट्युबर्सची मोठी गर्दी होती. काही मेनस्ट्रीम मीडिया चॅनल्सना आंदोलकांचा रोष सहन करावा लागला, तर काहींनी हे आंदोलन तटस्थपणे कव्हर करण्याचा प्रयत्न केला. आंदोलनादरम्यान 'आंदोलनजीवी' किंवा 'तुकडे-तुकडे गँग' असे लेबल लावणारे काही लोकही तिथे सक्रिय होते, जे वैयक्तिक पातळीवर आंदोलकांशी संवाद साधून त्यांना डिवचण्याचा प्रयत्न करत होते. हे लोक आंदोलनाचे स्वरूप आणि त्यातील घोषणांना चुकीच्या पद्धतीने मांडण्याचा प्रयत्न करत असल्याचेही दिसून आले.

थोडक्यात सांगायचे तर, शिक्षण क्षेत्रातील पेपरफुटी आणि बेरोजगारीच्या प्रश्नावरून तरुणांच्या मनात मोठी अस्वस्थता आहे, हे या आंदोलनाद्वारे स्पष्ट झाले. काही उच्चभ्रू वर्गातील तरुणही हे आंदोलन काय आहे आणि तिथे नेमके काय घडते, हे पाहण्यासाठी कुतूहलापोटी तिथे आले होते. आता हे आंदोलन केवळ दिल्लीपुरते मर्यादित राहते की इतर शहरांमध्येही पसरते, तसेच अभिजीत दीपके आगामी काळात कोणती भूमिका घेतात, हे पाहणे महत्त्वाचे ठरणार आहे.