Delhi Blast: लाल किल्ल्याजवळ स्फोटाच्या 30 मिनिटं आधी i20 कार कुठे आणि कशी वळणं घेत होती?, पाहा 3D रिकंस्ट्रक्शन

नेमकी कार कुठे, कशी आणि कधी घेत होती Turn?

टीमच्या म्हणण्यानुसार, i20 कार सुनेहरी मस्जिद पार्किंग लॉटमधून लाल किल्ल्याकडे जात असताना, दिगंबर जैन मंदिर आणि गौरी शंकर मंदिराच्या अगदी जवळून गेली, परंतु कोणत्याही ठिकाणी थांबली नाही. त्यानंतर गाडी गर्दीने भरलेल्या इलेक्ट्रॉनिक्स मार्केट आणि लाल किल्ला मेट्रो स्टेशनजवळून गेली.

हे ही वाचा>> Delhi Blast: डॉ. शाहीन शाहीद कारमध्ये ठेवायची A-47, कोण आहे 'ही' भयंकर महिला?

सीसीटीव्ही फुटेजनुसार, गाडी सुनेहरी मस्जिदमधून संध्याकाळी 6:22 वाजता निघाली आणि घटनेच्या सुमारे 30 मिनिटांनी संध्याकाळी 6:52 वाजता स्फोट झाला.

स्फोटापूर्वी, कारने सुमारे 400 मीटर पुढे यू-टर्न घेतला, ज्यामुळे ती लाल किल्ल्याजवळ जाऊ शकली. असे मानले जाते की, खाजगी वाहनांनी जाणाऱ्या लाल किल्ला संकुलाच्या सर्वात जवळच्या ठिकाणी स्फोट व्हावा यासाठी यू-टर्न हे एक योग्यरितीने आखलेला कट होता.

हे ही वाचा>> Delhi Blast: 'त्या' दिवशी i20 कारमध्ये होते तिघे जणं, दिल्ली स्फोटातील कारचा नवा Video पोलिसांच्या हाती

दिल्लीतील कार बॉम्बस्फोटात किमान 10 लोक ठार झाले आणि 24 हून अधिक जखमी झाले. संपूर्ण प्रकरणाचा तपास राष्ट्रीय तपास संस्थेकडे (NIA) सोपवण्यात आला आहे. तपासातून अनेक पदर उघड होत आहेत. स्फोट आणि पुलवामा यांच्यातील संबंधांचाही तपास केला जात आहे. पोलिसांनी अनेक संशयितांना ताब्यात घेतले आहे आणि सध्या त्यांची चौकशी सुरू आहे.

(व्हिडिओ कॅप्शन: हे रिकंस्ट्रक्शन प्रत्यक्षदर्शींच्या माहिती, इंडिया टुडेच्या वृत्तांकनावर आणि उपलब्ध नकाशांवर आधारित आहे. नकाशे पूर्ण नाहीत.)