होम
राजकीय आखाडा
निवडणूक
गुन्ह्यांची दुनिया
शहर-खबरबात
राशीभविष्य-धर्म
पैशाची बात
फोटो गॅलरी
हवामानाचा अंदाज
टॉपिक
el nino and now typhoon bavi : महाराष्ट्रातील पावसाची तीव्रता गेल्या काही दिवसांपासून हळूहळू कमी होत असल्याचे चित्र दिसत आहे. मराठवाडा आणि विदर्भात पावसाचे प्रमाण घटले असून कोकण आणि मुंबईतील पावसातही काही प्रमाणात घट झाली आहे. बंगालच्या उपसागरात तयार झालेला कमी दाबाचा पट्टा झारखंड, मध्य प्रदेशमार्गे उत्तर प्रदेशात पोहोचल्यामुळे उत्तर भारतात चक्राकार वाऱ्यांची स्थिती निर्माण झाली आहे. त्याचवेळी अरबी समुद्रातील प्रणालीची तीव्रता कमी झाल्याने महाराष्ट्राकडे येणारी आर्द्रताही घटली आहे. त्यामुळे राज्यातील बहुतांश भागात ढगांचे प्रमाण कमी झाले असून पावसाची शक्यता मर्यादित राहिली आहे. कोकण किनारपट्टी, नाशिक आणि अहिल्यानगर परिसरात काही प्रमाणात आर्द्रता असल्याने हलक्या स्वरूपाचा पाऊस होऊ शकतो, तर विदर्भात मध्य प्रदेशातून येणाऱ्या आर्द्रतेमुळे हलका ते मध्यम पाऊस पडण्याची शक्यता व्यक्त करण्यात आली आहे. मात्र मुसळधार किंवा अतिमुसळधार पावसाची शक्यता सध्या वर्तवण्यात आलेली नाही.
ADVERTISEMENT
हेही वाचा : आदित्य ठाकरे विधानसभेत चवताळून उठले.. पण तिथं आधी आणि नंतर घडलं तरी काय?, सगळंच प्रचंड इंटरेस्टिंग!
प्रशांत महासागरात तयार झालेल्या टायफून बावीची चर्चा
दरम्यान, प्रशांत महासागरात तयार झालेल्या टायफून बावीचीही चर्चा सुरू आहे. हे टायफून फिलिपीन्सजवळ असून ते चीनच्या दिशेने सरकत आहे. त्याची व्याप्ती सुमारे एक हजार किलोमीटर इतकी असल्याचे सांगण्यात आले आहे. या टायफूनचा थेट परिणाम भारतावर होणार नसला तरी नैऋत्य मान्सूनच्या वाऱ्यांवर त्याचा काही प्रमाणात प्रभाव पडू शकतो, अशी शक्यता व्यक्त करण्यात आली आहे. टायफूनच्या तीव्रतेमुळे आसपासच्या हवामान प्रणालींमध्ये बदल होऊ शकतात. त्याचा परिणाम म्हणून बंगालच्या उपसागरातील वारे खेचले जाणे, कमी दाबाच्या क्षेत्राची तीव्रता कमी होणे आणि हवामानातील वाऱ्यांच्या दिशांमध्ये बदल होण्याची शक्यता वर्तवण्यात आली आहे. त्यामुळे काही प्रमाणात आर्द्रतेचे वितरण बदलू शकते, असे सांगण्यात आले.
हेही वाचा : Personal Finance: दरमहा 2 हजार गुंतवा आणि 42 हजार परत मिळवा, लखपती बनण्याचा फॉर्म्युला!
वाऱ्यांच्या दिशांमध्ये बदल होण्याची शक्यता
काही शास्त्रज्ञांनी एल निनो आणि टायफून बावी या दोन्ही घटकांचा एकत्रित परिणाम भारतातील पावसावर होऊ शकतो, असे मत व्यक्त केले आहे. एल निनोमुळे आधीच पावसावर परिणाम होण्याची शक्यता व्यक्त केली जात असताना टायफूनमुळे वाऱ्यांचा पॅटर्न बदलल्यास पावसात आणखी घट होण्याची शक्यता निर्माण होऊ शकते. मात्र याचा अर्थ तातडीने भारतात किंवा महाराष्ट्रात पाऊस पूर्णपणे थांबेल असा नाही. टायफूनचा थेट परिणाम भारतावर होत नसला तरी वाऱ्यांच्या दिशांमध्ये बदल होण्याची शक्यता असल्याने त्याचा काही प्रमाणात प्रभाव मान्सूनवर जाणवू शकतो, असे स्पष्ट करण्यात आले आहे.
राज्यातील पुढील काही दिवसांचा अंदाज पाहता गुरुवारी पुण्यातील घाट परिसरासाठी ऑरेंज अलर्ट देण्यात आला असून रायगड, रत्नागिरी, कोल्हापूरच्या घाट भागासह चंद्रपूर, गडचिरोली, वर्धा, अमरावती, अकोला आणि बुलढाणा येथे यलो अलर्ट जारी करण्यात आला आहे. शुक्रवारी पुणे आणि सातारा घाट परिसरासह वर्धा, यवतमाळ, चंद्रपूर आणि गडचिरोली येथे यलो अलर्ट राहणार असून उर्वरित राज्यात कोणताही अलर्ट देण्यात आलेला नाही. शनिवारीही बहुतांश महाराष्ट्रात पावसाचा कोणताही अलर्ट नसून केवळ यवतमाळ, वर्धा, नागपूर आणि चंद्रपूर येथे यलो अलर्ट कायम आहे. 10, 11 आणि 12 तारखेदरम्यानही पावसाने काहीसा ब्रेक घेतल्याचे चित्र राहू शकते. बंगालचा उपसागर आणि अरबी समुद्रातील प्रणालींची तीव्रता कमी झाल्याने महाराष्ट्रात पुढील दोन ते तीन दिवस पावसाचे प्रमाण कमी राहण्याची शक्यता व्यक्त करण्यात आली आहे.
ADVERTISEMENT
