शैक्षणिक पात्रता काय?

या भरतीसाठी पदानुसार शैक्षणिक पात्रता निश्चित करण्यात आली आहे. टेक्निकल असिस्टंट पदासाठी संबंधित शाखेतील प्रथम श्रेणी डिप्लोमा, तर सायंटिफिक असिस्टंटसाठी प्रथम श्रेणी B.Sc. किंवा BFA/व्हिज्युअल आर्ट्स पदवी आवश्यक आहे. लायब्ररी असिस्टंटसाठी प्रथम श्रेणी पदवी व पदव्युत्तर पदवी (M.Lib), तर नर्स 'B' साठी प्रथम श्रेणी नर्सिंग डिप्लोमा अनिवार्य आहे. टेक्निशियन, ड्राफ्ट्समन, ड्रायव्हर आणि इतर पदांसाठी दहावी उत्तीर्ण सोबत संबंधित ट्रेडमधील ITI, वैध वाहन चालक परवाना किंवा 3 वर्षांचा अनुभव असणे आवश्यक आहे. मल्टी-टास्किंग स्टाफ (MTS) आणि फायरमन पदासाठी दहावी उत्तीर्ण उमेदवार अर्ज करू शकतात.

हे ही वाचा : राहुल गांधींच्या फोनमुळे भाजप प्रवेश थांबवला, पण आता थेट बोंद्रेंच्या संस्थांना नोटीस

'असा' करा अर्ज

या भरतीसाठी अर्ज शुल्काचा विचार केल्यास, काही पदांसाठी जनरल/OBC साठी 750 रुपये शुल्क असून लेखी परीक्षेनंतर 500 रुपये परत केले जातील. तर काही पदांसाठी 500 रुपये शुल्क असून यातील 400 रुपये परत मिळतील. SC/ST/ExSM/PWD आणि सर्व महिला उमेदवारांना पूर्ण परीक्षा शुल्क परतावा मिळणार आहे. इच्छुक आणि पात्र उमेदवारांनी 9 नोव्हेंबरपूर्वी अधिकृत वेबसाईटवर (www.shar.gov.in) ऑनलाईन अर्ज करावेत.

हे ही वाचा : नागपूर: विद्यार्थिनीला पाठवले अश्लील मेसेज, सिम्बायोसिस लॉ कॉलेजच्या प्रोफेसरचं लज्जास्पद कृत्य

पगार किती मिळणार?

निवड झालेल्या उमेदवारांना सातव्या वेतन आयोगानुसार आकर्षक वेतन व भत्ते मिळतील. टेक्निकल असिस्टंट, सायंटिफिक असिस्टंट, लायब्ररी असिस्टंट आणि नर्स 'B' या पदांसाठी अंदाजे मूळ वेतन व महागाई भत्त्यासह दरमहा 71,840 रुपये टेक्निशियन, ड्राफ्ट्समन व ड्रायव्हर पदांसाठी 34,720 रुपये, फायरमन पदासाठी 31,840 रुपये; तर मल्टी-टास्किंग स्टाफ (MTS) पदासाठी 28,800 रुपये प्रतिमहिना वेतन मिळेल. या व्यतिरिक्त HRA आणि परिवहन भत्ता लागू असेल.