'मुलाला वापरले जातीवरून नको ते शब्द, 'त्या' दोन प्राध्यापकांना...'. साहिल वाकडेच्या वडिलांचे गंभीर आरोप

साहिलच्या वडिलांचे गंभीर आरोप

साहिलच्या वडिलांनी आरोप केला आहे की, त्यांच्या मुलाला आयआयटी बॉम्बेमध्ये जातीय भेदभावाचा सामना करावा लागला. प्राध्यापकांकडून जातीवरून अपमानास्पद वागणूक दिली जात असल्याचा दावा त्यांनी केला आहे. या प्रकरणात प्राध्यापक सूर्यनारायण डुल्ला आणि आयआयटी बॉम्बेचे संचालक शिरीष केदारे यांच्या अटकेची मागणी साहिलच्या पालकांनी केली आहे.

हे ही वाचा>> छळ की AI कॉपी ? वर्गात टॉपर तरी साहिल वाकोडेने आत्महत्या का केली?

परीक्षेतील घटनेनंतर साहिलचा मृत्यू

साहिल वाकोडे हा आयआयटी बॉम्बेमध्ये शिक्षण घेत होता. परीक्षेदरम्यान मोबाईल वापरल्याच्या संशयावरून त्याला परीक्षा कक्षातून बाहेर जाण्यास सांगण्यात आल्याची माहिती समोर आली आहे.

या घटनेनंतर साहिलचा मृत्यू झाला. त्याच्या मृत्यूमागील परिस्थिती आणि त्याआधी घडलेल्या घटनांचा तपास सुरू आहे. 

गुन्हे शाखेकडून तपास सुरू

या प्रकरणाचा तपास मुंबई पोलिसांच्या गुन्हे शाखेकडे सोपवण्यात आला आहे. साहिलच्या पालकांचे जबाब नोंदवण्यात आले असून, तपासासाठी सीसीटीव्ही फुटेज आणि त्याच्या मोबाईलमधील माहिती तपासली जात आहे. साहिलचा आयफोन लॉक असल्याने त्यातील माहिती मिळवण्याचे प्रयत्न सुरू असल्याचे वृत्त आहे.

हे ही वाचा>> साहिल वाकोडोची आत्महत्या अन् आज अचानक IIT मुंबईमध्ये आले भिंतीवरचे फॅन, कारण काय तर...

जातीय भेदभावाच्या आरोपांमुळे आयआयटीतील वातावरण चर्चेत

साहिलच्या मृत्यूनंतर आयआयटी बॉम्बेमधील जातीय भेदभाव, विद्यार्थ्यांवरील शैक्षणिक दबाव आणि संस्थात्मक जबाबदारी यांसारखे मुद्दे पुन्हा चर्चेत आले आहेत.

मात्र, साहिलच्या मृत्यूमागील नेमके कारण आणि त्याच्या वडिलांनी केलेल्या आरोपांची सत्यता तपासातून स्पष्ट होणे अपेक्षित आहे.