साहिल वाकोडोची आत्महत्या अन् आज अचानक IIT मुंबईमध्ये आले भिंतीवरचे फॅन, कारण काय तर...

सूत्रांनुसार, हा निर्णय गेल्या दोन महिन्यांपासून विचाराधीन होता आणि नुकताच त्याला अंतिम स्वरूप देण्यात आले आहे. भिंतीवरच्या पंख्यांचे काही बॉक्सेस हे कॅम्पसमध्ये दाखल झाले आहेत.

हे लक्षात घ्यावे की, पंखे बदलणे हा त्या सुरक्षा उपायांचा एक भाग आहे, ज्याचे आश्वासन IIT मुंबई प्रशासनाने जुलैमध्ये विद्यार्थ्यांना दिले होते. संस्थेच्या कॅम्पसमध्ये 20 वर्षीय बी.टेक द्वितीय वर्षाचा विद्यार्थी साहिल वाकोडे याने गळफास घेऊन केलेल्या आत्महत्येमुळे निर्माण झालेल्या गदारोळ आणि वादाच्या पार्श्वभूमीवर हे पाऊल उचलण्यात आले आहे.

उच्च शिक्षण संस्थांमध्ये अलीकडे विद्यार्थ्यांच्या आत्महत्यांचे प्रमाण वाढल्यामुळे, पंखे बदलण्याच्या या निर्णयाने लक्ष वेधून घेतले आहे. आत्महत्या रोखण्यासाठी देशातील इतर काही कॅम्पसमध्ये यापूर्वीही असेच बदल करण्यात आले आहेत.