'विधवा आणि घटस्फोटीत महिला असाल तर...', राज्य सरकारचा लाडकी बहीण योजनेबाबत मोठा निर्णय

विधवा व घटस्फोटित महिलांसाठी आवश्यक कागदपत्रे

या दोन्ही श्रेणीतील महिलांनी सर्वप्रथम स्वत:ची ई-केवायसी प्रक्रिया पूर्ण करणे आवश्यक आहे. त्यानंतर, पती किंवा वडिलांच्या मृत्यूचा दाखला सादर करावा लागेल. घटस्फोटित महिलांनी घटस्फोटाचा दाखला किंवा न्यायालयाचा अधिकृत आदेशाची प्रत महिला व बाल विकास विभागाच्या कार्यालयात जमा करायची आहे. या कागदपत्रांची पडताळणी संबंधित कार्यालयाकडून केली जाईल.

तांत्रिक अडचणींमुळे केवायसी प्रक्रियेत अडथळे

लाडकी बहीण योजनेच्या पोर्टलवर सतत तांत्रिक त्रुटी निर्माण होत असल्याने अनेक महिलांना केवायसी पूर्ण करण्यात मोठ्या समस्या येत होत्या. विशेषत: ओटीपी वेळेवर न आल्याने प्रक्रिया अपूर्ण राहात होती. अनेक महिलांना मध्यरात्रीपर्यंत जागून केवायसी करण्याचा प्रयत्न करावा लागत होता. 18 नोव्हेंबर ही अंतिम मुदत संपूनही हजारो महिलांची केवायसी अपूर्ण राहिली होती. राज्यभर ही समस्या उद्भवल्याने शासनाने अंतिम तारीख वाढवण्याचा निर्णय घेतला.

विधवा आणि घटस्फोटित महिलांना भेडसावणारा मुख्य प्रश्न

केवायसी प्रक्रियेसाठी लाभार्थी महिलेच्या आधारशी लिंक असलेल्या मोबाइल क्रमांकावर ओटीपी येतो. त्यानंतर पती किंवा वडिलांचा आधार क्रमांक टाकला की त्यावर लिंक असलेल्या मोबाइलवर दुसरा ओटीपी मिळतो. मात्र, विधवा आणि घटस्फोटित महिलांसाठी ही प्रक्रिया अवघड बनली होती. पती किंवा वडिलांचा नंबर उपलब्ध नसल्याने ओटीपी मिळत नव्हता आणि ई-केवायसी पूर्ण होत नव्हती.

शासनाने काढलेला मार्ग

या अडचणी लक्षात घेऊन शासनाने नवा पर्याय उपलब्ध केला आहे. लाभार्थी महिलांनी स्वतःची ई-केवायसी ऑनलाइन पूर्ण करायची आणि पती/वडील यांचे मृत्यू प्रमाणपत्र किंवा घटस्फोटाचा आदेशाची प्रत 31 डिसेंबरपर्यंत संबंधित अंगणवाडी सेविकेकडे जमा करायची आहे. कागदपत्र तपासणीनंतर त्यांचा लाभ सुरू ठेवला जाईल.

इतर महत्त्वाच्या बातम्या 

अंबरनाथः उड्डाणपुलावर झालेल्या ‘त्या’ भयंकर अपघातातून शिवसेना उमेदवार थोडक्यात बचावल्या, ड्रायव्हरला अटॅक आला अन्…