पाकिस्तानची गुप्तेहर.. 'ती' महिला पोलिसांच्या ताब्यात, कोण आहे ज्योती मल्होत्रा?

गुप्तहेर असण्याचा आरोप

ज्योतीने आपल्या इंस्टाग्रामवर पाकिस्तानशी संबंधित अनेक व्हिडिओ आणि रिल्स शेअर केल्या आहेत. ज्योतीने आपल्या एका व्लॉगमध्ये केवळ चांगल्याच गोष्टी दाखवण्याचा प्रयत्न केला आहे. यामुळे एका परदेशी एजंट्सकडून ज्योतीवर गुप्तहेर असण्याचा आरोप केला आहे.

ज्योतीवर पाकिस्तानबाबत सकारात्मक माहिती देण्याची जबाबदारी सोपवण्यात आली, असा आरोप करण्यात आला आहे. ज्योतीने पाकिस्तानात जाऊन तिथल्या चांगल्या गोष्टी दाखवण्याचा प्रयत्न केला. एका अनारकली मार्केटचा व्हिडिओ बनवण्यात आला आहे. तो व्हिडिओ नंतर इंस्टाग्रामवर शेअर करण्यात आला. 

ज्योती मल्होत्रावर गुन्हा दाखल

भारत सरकारने पाकिस्तानी कर्मचारी एहसान-उर-रहीम उर्फ दानिश याचा हेरगिरीत सहभागी असल्याची माहती दिली आहे. त्यानंतर त्याला भारत देश सोडण्याचे आदेश दिले आहेत. अशातच हरियाणाची रहिवासी ज्योती सतत त्याच दानिशच्या संपर्कात अनेकदा दिसली. याचपार्श्वभूमीवर ज्योती मल्होत्रावर भारतीय दंड संहिता 152 कलमांतर्गत गुन्हा दाखल करण्यात आला. 

हेही वाचा : भारतातील 'इथल्या' महिला करू शकतात 4 लग्न, फिरायला आलेले पर्यटक तर...

ज्योती मल्होत्रावर 2023 मध्ये पाकिस्तानी उच्चायुक्तालयामार्फत व्हिसाचा वापर करत पाकिस्तानमध्ये जाऊन प्रवास केल्याचा आरोप आहे. ज्योती मल्होत्रा ही पाकिस्तानातील दिनेशच्या संपर्कात आली. त्यानंतर तिचे आणि दानिशचे जवळचे संबंध तयार झाले. गुप्तहेर खात्याने माहिती दिली होती की, अटकेत एकूण सहा जणांचा समावेश आहे. ज्यात ज्योती मल्होत्राचाही समावेश करण्यात आला आहे.