हे ही वाचा : पुणे : दिवेघाट पायथ्याशी आढळला महिलेचा अर्धनग्न अवस्थेतील मृतदेह, शारीरिक संबंधाला प्रतिकार केल्याने हत्या

रेकॉर्डिंग डिलिट केल्याने वाद

पोलिसांकडून मिळालेल्या माहितीनुसार, फिर्यादी नंदा नारायण व्यापारी या आनंदनगर, गावदेवी येथील गोकुळ सोसायटी बी विंग, रूम क्रमांक 201 येथे राहतात. तीन दिवसांपूर्वी रात्री सुमारे 2 वाजण्याच्या सुमारास कुळगाव बदलापूर पूर्व येथील सौजन्य अपार्टमेंटमधील रूम क्रमांक 105 मध्ये ही घटना घडली. त्या वेळी फिर्यादी आणि त्यांचा नातू हॉलमध्ये झोपलेले असताना त्यांचा मुलगा मिलिंद नारायण व्यापारी (वय 36) त्यांच्या जवळ आला. त्याच्या पत्नीबरोबर झालेल्या संभाषणाचे मोबाईलमधील रेकॉर्डिंग कोणी डिलीट केले, या कारणावरून त्याने आईला झोपेतून उठवून वाद घातला. 

बनियानचा बोळा तोंडात कोंबला अन्...

या वादादरम्यान त्याने आईला शिवीगाळ करत त्यांच्या तोंडावर हाताने चापट्या मारल्या. यानंतर आरोपीने आईला बेडवर ढकलून कपाटातील बनियनचा बोळा करून त्यांच्या तोंडात कोंबला आणि एका हाताने त्यांचा गळा आवळत जीवे मारण्याचा प्रयत्न केल्याचा आरोप आहे. या घटनेनंतर आरोपी मिलिंद व्यापारी फरार झाला होता.

हे ही वाचा : तरुणाच्या मृतदेहाचे पाच तुकडे अन् धड गायब, मक्याच्या शेतातलं 'ते' दृश्य बघून पोलिसही चक्रावले

सापळा रचून आरोपीला अटक

दरम्यान, उल्हासनगर गुन्हे शाखेतील पोलीस शिपाई रामदास उगले यांना मिळालेल्या माहितीच्या आधारे सापळा रचून आरोपीला अटक करण्यात आली. आरोपीला अटक करणाऱ्या पथकात श्रीरंग गोसावी, पोलीस हवालदार मंगेश जाधव, चंद्रकांत सावंत, रितेश वंजारी आणि रामदास उगले यांचा समावेश होता. या प्रकरणी पुढील तपास बदलापूर पूर्व पोलीस करत आहेत.