उकळत्या कढईत पडून 25 वर्षीय मजुराचा मृत्यू, युपीच्या कामगाराचा महाराष्ट्रात दुर्दैवी अंत

हेही वाचा : छत्रपती संभाजीनगर प्रकरण : मुरलीधर चांदगुडे काम करत होते, तिथल्या लोकांनी काय खुलासे केले?

कढईत पडल्यानंतर दानिश वेदनेने तडफडला 

व्हायरल झालेल्या व्हिडीओमध्ये डॅनिश हा गुळाची कढई असलेल्या ठिकाणी उभा असल्याचे दिसते. अचानक तो उघड्या कढईत पडतो. या कढईत उकळता गुळाचा पाक असल्याचे व्हिडीओत दिसत आहे. कढईत पडल्यानंतर दानिश वेदनेने तडफडताना दिसतो. त्यानंतर त्याचे सहकारी मजूर त्याला बाहेर काढण्यासाठी धाव घेतात. घटनास्थळी उपलब्ध असलेल्या पळी आणि इतर साहित्याच्या मदतीने त्याला बाहेर काढण्याचा प्रयत्न केला जातो. सुमारे एक मिनिट डॅनिश हा उकळत्या द्रवात राहिल्यानंतर कामगार त्याला बाहेर काढण्यात यशस्वी ठरतात.

हेही वाचा : 'पप्पा, मला सोडून जाऊ नका', कुणालच्या मावशीने आणखी काय सांगितलं?

व्हिडीओ समोर आल्यानंतर कुटुंबीयांचा हा संशय दूर

या दुर्घटनेनंतर डॅनिशला तातडीने रुग्णालयात नेण्यात आले. मात्र, डॉक्टरांनी त्याला मृत घोषित केले. दानिशच्या मृत्यूची बातमी समजल्यानंतर त्याच्या कुटुंबावर मोठा धक्का बसला. त्याचा मृतदेह मूळ गावी पोहोचल्यानंतर कुटुंबीयांना सुरुवातीला त्याच्या मृत्यूबाबत संशय निर्माण झाला. दानिशसोबत असलेल्या मित्रांचा या घटनेत काही सहभाग आहे का, अशी शंका कुटुंबीयांच्या मनात निर्माण झाली होती. त्यामुळे दानिशचा मृत्यू नेमका कसा झाला, याबाबत कुटुंबीयांमध्ये संभ्रम निर्माण झाला होता.

मात्र, गूळ कारखान्यातील घटनेचा व्हिडीओ समोर आल्यानंतर कुटुंबीयांचा हा संशय दूर झाला. दानिशला कुणीही ढकलले नसून तो अचानक कढईत पडल्याचे व्हिडीओत स्पष्टपणे दिसून आले. तसेच तो कढईत पडल्यानंतर त्याचे सहकारी मजूर तातडीने त्याला वाचवण्यासाठी धावल्याचेही व्हिडीओमध्ये दिसत आहे. त्यामुळे डॅनिशच्या मृत्यूबाबत कुटुंबीयांच्या मनातील शंका दूर झाली. त्यानंतर कुटुंबीयांनी दानिशवर अंत्यसंस्कार केले.