Maharashtra Weather : राज्यात पाऊस घालणार धुमशान, काही जिल्ह्यांना मोठा अलर्ट

हे ही वाचा : सुनेत्रा पवारांवर झालेल्या टिकेनं रान पेटलं, 'गुंगी गुडिया' टिकेचा इतिहास आला समोर

कोकण 

कोकणातील रायगड जिल्ह्यात मुसळधार ते अतिमुसळधार परिसरात पावसाचा ऑरेंज अलर्ट वर्तविलेला आहे. रत्नागिरी आणि सिंधुदुर्गात काही ठिकाणी मुसळधार पावसाचा अंदाज असून यलो अलर्टचा अंदाज आहे. पालघर आणि ठाण्यात मध्यम पाऊस, तर दुसरीकडे मुंबईमध्ये देखील मध्यम स्वरुपाच्या पावसाची शक्यता वर्तविण्यात आलीये. 

उत्तर महाराष्ट्र 

उत्तर महाराष्ट्रातील धुळे, नाशिक, जळगाव आणि अहिल्यानगरात हलका किंवा मेघगर्जनेसह पावसाचा अंदाज आहे. नाशिक घाटमाथा पसिरात काही ठिकाणी मुसळधार पावसाची शक्यता आहे. या ठिकाणी पावसाचा यलो अलर्टचा अंदाज वर्तविलेला आहे. 

पश्चिम महाराष्ट्र 

पश्चिम महाराष्ट्रातील पुणे जिल्ह्यात हलका ते मध्यम स्वरुपाच्या पावसाची शक्यता आहे. पुण्याला पावसाचा ऑरेंज अलर्ट वर्तविण्यात आलाय.  सातारा आणि कोल्हापूर घाटमाथ्यावर काही ठिकाणी मुसळधार ते अतिमुसळधार पावसाची शक्यता आहे. या दोन्ही जिल्ह्यांना पावसाचा यलो अलर्टचा अंदाज वर्तवलाय. सातारा, कोल्हापूर, सांगली आणि सोलापूर जिल्ह्यांत हलका ते मध्यम स्वरुपाच्या पावसाची शक्यता आहे. 

मराठवाडा 

मराठवाडा विभागातील छत्रपती संभाजीनगर, जालना, परभणी, बीड, हिंगोली, नांदेड, लातूर आणि धाराशिव जिल्ह्यांत हलका ते मध्यम स्वरुपाच्या पावसाची शक्यता वर्तविली आहे. वरील जिल्ह्यांव्यतिरिक्त इतर जिल्ह्यांना कोणताही अलर्ट जारी केला नाही. 

हे ही वाचा : पुण्याची गोष्ट: MSRTC च्या वतीने तेलंगणा, गुजरात आणि मध्य प्रदेशसाठी विशेष टूर पॅकेजेस

विदर्भ 

अकोला, अमरावती, भंडारा, बुलढाणा, वर्धा, वाशीम, नागपूर, यवतमाळ जिल्ह्यांना विशेष असा कोणताही अलर्ट जारी केला नाही. चंद्रपूर, गडचिरोली, गोंदिया जिल्ह्यांत काही ठिकाणी हलका ते मध्यम स्वरुपाच्या पावसाची शक्यता वर्तविली असून या जिल्ह्यांना पावसाचा यलो अलर्टचा अंदाज आहे.