Maharashtra Weather Update : राज्यात थंडीची लाट, 'या' शहरात महाबळेश्वर पेक्षाही कमी तापमान

राज्यात थंडीची लाट हळूहळू वाढत असून, गेल्या दोन दिवसांपासून किमान तापमानात मोठी घट झाली आहे. त्यामुळे उत्तर महाराष्ट्रासह पुण्यातही थंडीचा कडाका वाढला आहे. पुढील पाच दिवस किमान तापमानात घसरण कायम राहील, असा अंदाज हवामान खात्याने वर्तवला आहे. आज, पुण्यात किमान तापमान 10 अंश सेल्सिअस नोंदले गेले, त्यामुळे आता पुणेकरांनाही हुडहुडी भरली असून, पुण्यातील तापमान महाबळेश्वरपेक्षाही कमी झालं आहे. तर मुंबईमध्येही हळूहळू आता तापमानात घट होत असून, थंडीसाठी मात्र अजूनही वाट पाहावी लागणार आहे.