'या' जिल्ह्यांना ऑरेंज अलर्ट

या चक्रीवादळाचा थेट परिणाम महाराष्ट्रातील हवामानावर प्रकर्षाने जाणवत असून विदर्भासह राज्याच्या विविध भागांत मुसळधार पावसाचा इशारा देण्यात आला आहे. विशेषतः बुधवारसाठी गडचिरोली जिल्ह्यात पावसाचा ऑरेंज अलर्ट जारी करण्यात आला असून, चंद्रपूर, भंडारा, गोंदिया, यवतमाळ, वर्धा, नागपूर आणि नांदेडसह कोल्हापूर आणि लगतच्या पट्ट्यात यलो अलर्ट देण्यात आला आहे. तसेच नंदुरबार, धुळे, नाशिक, संभाजीनगर आणि जालनासह अनेक भागांत विजांच्या कडकडाटासह मान्सूनोत्तर पावसाच्या हलक्या सरींची शक्यता वर्तवली आहे.

हे ही वाचा : विधान परिषद निवडणूक निकाल 2026 LIVE : प्रतापसिंह पाटील 13163 मतांनी आघाडीवर, रविराज साबळेंनी किती मतं?

या जिल्ह्यांना थंडरस्टॉर्मचा इशारा

गुरुवारी म्हणजेच 29 तारखेलाही महाराष्ट्रातील अनेक जिल्ह्यांमध्ये हवामानाचा हाच प्रभाव कायम राहण्याची शक्यता आहे. गोंदिया, भंडारा, चंद्रपूर आणि गडचिरोली येथे पावसाचा यलो अलर्ट कायम आहे, तर पुणे, सातारा आणि रायगडच्या घाट परिसरासह अमरावती आणि नागपूरमध्ये थंडरस्ट्रॉमचा इशारा देण्यात आला आहे. या ढगाळ व पावसाळी वातावरणामुळे कमाल आणि रात्रीच्या तापमानात दोन ते तीन अंश सेल्सिअसची घट होणार असून, नागरिकांना ऑक्टोबर हीटच्या त्रासापासून मोठा दिलासा मिळणार आहे.

हे ही वाचा : Graduate-Teacher Constituency Election Result: राज्यातील 5 मतदारसंघांत आज फैसला! कुठे कोणाची लढत? वाचा उमेदवारांची संपूर्ण यादी

शेतकऱ्यांनी सतर्कता बाळगण्याचे आवाहन

हवामान विभागाच्या या धोक्याच्या पार्श्वभूमीवर प्रशासनाने आणि शेतकऱ्यांनी विशेष सतर्कता बाळगण्याचे आवाहन केले आहे. विदर्भात मुसळधार पावसाची शक्यता पाहता शेतकऱ्यांनी आगामी काही दिवस पेरणीची कामे टाळावीत आणि हवामानाच्या ताज्या जिल्हानिहाय अपडेट्सवर सातत्याने लक्ष ठेवावे, असे स्पष्ट करण्यात आले आहे. किनारपट्टी व अंतर्गत भागांत निर्माण झालेल्या या हवामान प्रणालीमुळे नागरिकांनी सुरक्षिततेची खबरदारी बाळगणे अत्यावश्यक ठरले आहे.