मासिक पाळी आल्याने आईने मुलीला दोन वर्षे अंधाऱ्या खोलीत कोंडून ठेवलं, धक्कादायक प्रकाराने पोलिसही हादरले

मुलीला मासिक पाळी आल्याने दोन वर्ष अंधाऱ्या खोलीत कोंडलं 

मुलीला मासिक पाळी सुरू झाल्यानंतर भाग्यलक्ष्मीने तिला बाहेरील जगापासून पूर्णपणे दूर ठेवले. तिच्या पतीच्या निधनानंतर ती मानसिक धक्क्यात होती आणि त्यानंतर तिचा अंधश्रद्धेकडे कल वाढत गेला. तिने मुलगी बाहेर गेल्यास काही अपशकुन होईल किंवा तिच्यावर अनिष्ट संकट कोसळेल, अशी गैरसमजूत मनात बाळगली. या भीतीतूनच तिने मुलीला खोलीत बंद ठेवत त्या खोलीतील वीजपुरवठादेखील खंडित केला. मुलगी अनेक महिने प्रकाश न पाहता अंधारात राहत होती.

हेही वाचा : बॅरियर तोडून ट्रक झाला पलटी, पुणे-मुंबई महामार्गावरील भीषण अपघातात कारचा चेंदामेंदा, दोघांचा दुर्दैवी अंत...

मुलगी शारीरिक आणि मानसिकदृष्ट्या कमकुवत अवस्थेत आढळली

या काळात मुलगी शाळेत न जाताच बेपत्ता असल्याचे लक्षात येताच स्थानिक अंगणवाडी कार्यकर्त्यांना शंका आली. त्यांनी मुलीसंदर्भातील माहिती आयसीडीएस (ICDS) विभागातील अधिकाऱ्यांना दिली. अधिकाऱ्यांनी तात्काळ तपास सुरु करत पोलिसांना कळवले. पोलिसांनी घटनास्थळी जाऊन मुलीची सुटका केली. मुलगी शारीरिक आणि मानसिकदृष्ट्या कमकुवत अवस्थेत आढळली.

या घटनेमुळे परिसरात खळबळ उडाली असून अंधश्रद्धेमुळे निरपराध मुलींना भोगावा लागणारा त्रास अधोरेखित झाला आहे. भाग्यलक्ष्मीविरुद्ध कायदेशीर कारवाईची प्रक्रिया सुरू असून मुलीला वैद्यकीय उपचार तसेच समुपदेशन उपलब्ध करून देण्यात येत आहे. समाजामध्ये अजूनही अंधश्रद्धेची पकड किती घातक आहे, याचे हे जिवंत उदाहरण असल्याची प्रतिक्रिया स्थानिक नागरिकांकडून व्यक्त केली जात आहे.

इतर महत्त्वाच्या बातम्या 

बॅरियर तोडून ट्रक झाला पलटी, पुणे-मुंबई महामार्गावरील भीषण अपघातात कारचा चेंदामेंदा, दोघांचा दुर्दैवी अंत...