धडाम आवाज, लोक हादरले... रक्ताच्या थारोळ्यात दिसला तरूणाचा मृतदेह, R City मॉलमध्ये काय घडलं?

हे ही वाचा >> भरधाव हायवा ट्रक आला आणि फुटपाथवरच्या वाहनांना चिरडत निघाला, चंद्रपुरात पुण्यासारखीच घटना...

सोमवारी सकाळी 11:30 च्या सुमारास आर सिटी मॉलच्या मुख्य लॉबीमध्ये अचानक मोठा आवाज आला. उपस्थित ग्राहक आणि दुकानदारांमध्ये भीतीचं वातावरण पसरलं. पाहिलं तर एका व्यक्तिचा मृतदेह लॉबीमध्ये रक्ताच्या थारोळ्यात पडला होता. 

प्रत्यक्षदर्शींनी सांगितलं की, दीपक जोशी तिसऱ्या मजल्यावरून खाली पडल्यानंतर त्याचा मृतदेह रक्ताच्या थारोळ्यात पडला होता. त्याचं डोकं फुटलं होतं आणि रक्तस्राव सुरू होता. या भयानक दृश्यानं मॉलमधील लोक हादरले. पोलिसांनी तात्काळ घटनास्थळी येऊन मृतदेह ताब्यात घेतला.

दीपक जोशी हा घाटकोपरच्या कामा लेनमधील बारोटवाडी येथे आपल्या आई-वडील आणि पत्नीसह राहत होता. त्याचा मुलगा कच्छमध्ये मामाच्या घरी राहून शिक्षण घेत आहे. दीपक हा त्याच्या कुटुंबातील एकुलता एक मुलगा होता. 

हे ही वाचा >> वाद पेटला, डोक्यात टिकाव घातला, 60 वर्षाच्या संजय यांना जागीच संपवलं! CCTV फुुटेज पाहून अकोला हादरला

स्थानिक रहिवाशांनी दिलेल्या माहितीनुसार, दीपक लहानपणापासूनच मानसिकदृष्ट्या कमकुवत होता. दीपकने यापूर्वी दोन-तीन वेळा आत्महत्येचा प्रयत्न केला होता. तसंच, दहा वर्षांपूर्वी बनावट नोटा छापल्याप्रकरणी त्याला पोलिसांनी अटक केली होती. याशिवाय, कर्ज घोटाळा आणि इतर आर्थिक घोटाळ्यांमध्येही त्याचा सहभाग असल्याची माहिती समोर आली आहे.

दीपकने आत्महत्येसारखे टोकाचे पाऊल का उचललं, याबाबत अधिक माहिती मिळवण्यासाठी पोलीस त्याच्या कुटुंबीय आणि परिसरातील रहिवाशांशी संपर्क साधत आहेत.