Govt Job: सीमा सुरक्षा दलात सहभागी होण्यासाठी आत्ताच करा अर्ज... 'या' पदांसाठी निघाली भरती!

शैक्षणिक पात्रता 

या भरतीमध्ये सहभागी होण्यासाठी उमेदवारांनी कोणत्याही मान्यताप्राप्त विद्यापीठातून 10 वी उत्तीर्ण असणं गरजेचं आहे. तसेच, उमेदवाराने राष्ट्रीय/ आंतरराष्ट्रीय स्तरावर संबंधित खेळाचे प्रतिनिधित्व केलेले असावे. याव्यतिरिक्त, भरतीसाठी अर्ज करण्यासाठी उमेदवाराचे किमान वय 18 वर्षे आणि कमाल वय 23 वर्षांपेक्षा जास्त नसावे. सरकारी नियमांनुसार, राखीव प्रवर्गातील उमेदवारांना उच्च वयोमर्यादेत सूट देण्यात येईल. 1 ऑगस्ट 2025 ही तारीख लक्षात घेऊन उमेदवारांच्या वयाची गणना केली जाईल. 

या भरतीमध्ये केवळ ऑनलाइन माध्यमातूनच उमेदवारांना अर्ज करता येतील. याशिवाय, कोणत्याही प्रकारचे अर्ज स्विकारले जातील. 

हे ही वाचा: मॉर्निंग वॉकला गेलेल्या आईला पाहण्यासाठी चिमुकली गॅलरीकडे धावली, 7 व्या मजल्यावरुन खाली पाहिलं अन्..

कसा कराल अर्ज?

1. बीएसएफ कॉन्स्टेबल GD भरती 2025 मध्ये अर्ज करण्यासाठी उमेदवारांना सर्वप्रथम rectt.bsf.gov.in या अधिकृत वेबसाइटला भेट द्यावी लागेल. 
2. त्यानंतर, होमपेजवरील  Current Recruitment Openings सेक्शनमध्ये जाऊन भरतीशी संबंधित लिंकवर जाऊन क्लिक करा. 
3. आता आवश्यक माहिती भरून रजिस्ट्रेशन पूर्ण करा. 
4. रजिस्ट्रेशन झाल्यानंतर, उमेदवारांनी इतर आवश्यक माहिती भरून आणि डॉक्यूमेंट्स अपलोड करुन अर्ज सबमिट करा. 

बीएसएफ कॉन्स्टेबल GD पदांवर अर्ज करण्यासाठी जनरल आणि ओबीसी प्रवर्गातील उमेदवारांना 159 रुपये शुल्क भरावं लागेल. तसेच, एससी/ एसटी प्रवर्गातील उमेदवारांना अर्ज करण्यासाठी कोणत्याही प्रकारचं शुल्क आकरण्यात येणार नाही. 

हे ही वाचा: अल्पवयीन मुलीला प्रेमाच्या जाळ्यात अडकवलं अन् अपहरण करुन घाणेरडं कृत्य! अखेर, 16 महिन्यांनंतर समोर आलं आरोपीचं सत्य

काय आहे निवड प्रक्रिया? 

या भरतीमध्ये अर्ज करणाऱ्या उमेदवारांना पात्रतेच्या आधारे शॉर्टलिस्टिंग केलं जाईल. त्यानंतर, संबंधित उमेदवारांना डॉक्यूमेंट व्हेरिफिकेशन, फिजिकल स्टँडर्ड टेस्ट (PST), डिटेल्स मेडिकल एक्झामिनेशन (DME) साठी बोलवलं जाईल.  या टप्प्यांच्या आधारे उमेदवारांची अंतिम मेरिट लिस्ट तयार केली जाईल. भरतीशी संबंधित अधिक माहितीसाठी उमेदवार अधिकृत वेबसाइटवर जाऊन नोटिफिकेशन तपासू शकतात.