Govt Job: 10 वी पास तरुणांसाठी देशसेवेची सुवर्णसंधी! BSF कडून 'या' पदांसाठी भरती जाहीर...

BSF मध्ये स्पोर्टस कोटाअंतर्गत भरती 

पुरुष खेळाडूंसाठी 277 आणि महिला खेळाडूंसाठी 272 अशा एकूण 549 पदांसाठी भरती केली जाणार आहे. BSF च्या या स्पोर्ट्स कोटा भरतीमध्ये 30 हून अधिक खेळांचा समावेश करण्यात आला आहे. यामध्ये एथलेटिक्स, बॉक्सिंग, कुस्ती, हॉकी, फूटबॉल, कबड्डी, व्हॉलीबॉल, शूटिंग, पोहणे आणि योग सारख्या खेळांचा समावेश आहे.

वयोमर्यादा   

या भरतीसाठी अर्ज करण्यासाठी किमान 18 वर्षे आणि कमाल 23 वर्षे वयोमर्यादा निश्चित करण्यात आली आहे. 18 ऑगस्ट 2025 या तारखेच्या आधारे उमेदवारांच्या वयाची गणना केली जाईल. तसेच, सरकारी नियमांनुसार राखीव प्रवर्गातील उमेदवारांना उच्च वयोमर्यादेत सूट देण्यात येणार आहे. एससी (SC)/एसटी (ST) उमेदवारांना 5 वर्षे आणि ओबीसी (OBC) प्रवर्गातील उमेदवारांना  3 वर्षे उच्च वयोमर्यादेत सूट दिली जाणार आहे. 

हे ही वाचा: लग्न होण्यापूर्वीच दोघे हॉटेलमध्ये गेले... पण, बाहेर निघताना भावाने रंगेहात पकडलं अन् घडलं भयानक!

किती मिळेल वेतन? 

या भरतीमध्ये नियुक्त झालेल्या उमेदवारांना पे लेव्हल-3 अंतर्गत दरमहा 21,700 ते 69,100 रुपये वेतन दिलं जाईल. याव्यतिरिक्त, इतर सरकारी भत्ते आणि सुविधा सुद्धा मिळतील. या भरतीमध्ये सहभागी होण्यासाठी सामान्य (General) आणि ओबीसी (OBC) प्रवर्गातील पुरुष उमेदवारांना 159 रुपये अर्जाचं शुल्क भरावं लागेल. तसेच, एससी (SC)/एसटी (ST) प्रवर्गातील आणि महिला उमेदवारांना कोणत्याच प्रकारचं शुल्क भरावं लागणार नाही. 

हे ही वाचा: मुंबई सेंट्रल स्थानकाजवळ पोलिसाचे गतीमंद महिलेशी अश्लील चाळे! स्थानिकांकडून चांगलाच चोप...

कसा कराल अर्ज? 

1. या भरतीमध्ये सहभागी होण्यासाठी सर्वप्रथम BSF च्या अधिकृत वेबसाईटला भेट द्या. 
2. होमपेजवरील "Constable (GD) Sports Quota Recruitment 2025" लिंकवर क्लिक करा. 
3. आता बेसिक माहिती भरून रजिस्ट्रेशन करून घ्या. 
4. त्यानंतर, फॉर्ममध्ये वैयक्तिक, शैक्षणिक आणि खेळाच्या क्षेत्रातील माहिती भरून घ्या. 
5. माहिती भरल्यानंतर आवश्यक डॉक्यूमेंट्स, सही आणि फोटो अपलोड करा. 
6. तसेच, लागू असल्यास अर्जाचं शुल्क ऑनलाइन माध्यमातून भरा. 
7. शेवटी, फॉर्म सबमिट करून भविष्यासाठी अर्जाची प्रिंटआउट काढून सुरक्षितरित्या ठेवा.