Govt Job: भारतीय नौदलात अधिकारी होण्याचं स्वप्न पूर्ण करण्याची संधी! 'या' नव्या भरतीसाठी लवकरच करा अर्ज...

एकूण 10 शाखांमध्ये 260 रिक्त पदे 

इंडियन नेव्हीच्या या भरतीमध्ये केवळ अविवाहित महिला आणि पुरुष उमेदवार अर्ज करण्यासाठी पात्र आहेत. या भरतीच्या माध्यमातून एक्झिक्यूटिव्ह ब्रांच, लॉजिस्टिक्स, एज्युकेशन, पायलट, सब्मरीन टेक इलेक्ट्रिकल, नेव्हल एअर ऑपरेशन्स, एअर ट्रॅफिक कंट्रोलर, इंजीनिअरिंग ब्रांचसह एकूण 10 शाखांमध्ये 260 पदे भरली जाणार आहेत. ट्रेनिंग पूर्ण झाल्यानंतर, उमेदवारांना सब लेफ्टनंट पदावर नियुक्त केलं जाईल. 

काय आहे पात्रता? 

प्रत्येक शाखेसाठी वेगवेगळी पात्रता निश्चित करण्यात आली आहे. एक्झिक्युटिव्ह शाखेसाठी, किमान 60 टक्के गुणांसह बीई/ बी.टेक पदवी आवश्यक आहे. पायलट पदांसाठी, 10 वी आणि 12 वीमध्ये 60 टक्के गुणांसह बीई/बी.टेक आणि इंग्रजीमध्ये 60 टक्के गुण अनिवार्य आहेत. तसेच, लॉजिस्टिक्स पदासाठी बीई/ बी.टेक/ एमबीए/ बीएससी/ बी.कॉम/ बीएससी आणि फायनान्स/लॉजिस्टिक्स/एमसीए/एमएससी (आयटी) मध्ये पीजी डिप्लोमा असलेले अर्ज करू शकतात. 

हे ही वाचा: वाईतील सराफ व्यावसायिकाचा मुलगा आठ दिवसांपासून बेपत्ता, अखेर पुण्यातील लॉजवर आढळला मृतदेह, नेमकं काय घडलं?

तसेच, इतर पदांसाठी  B.E/ B.Tech/ MBA/ B.Com/ B.Sc/ MCA/ M.Sc/ M.A/ M.Tech मध्ये पदवी असणं आवश्यक आहे. भारत सरकारच्या नौवहन आणि वाहतूक मंत्रालयाने जारी केलेले पात्रता प्रमाणपत्र असलेले सेकंड मेट, मेट किंवा मास्टर्स पदावर उमेदवार

वयोमर्यादा 

2 जानेवारी 1997 ते 1 जुलै 2004 दरम्यान जन्मलेले उमेदवार या भरतीसाठी अर्ज करू शकतात. वयोमर्यादा आणि पात्रतेसंबंधी अधिक माहिती मिळवण्यासाठी उमेदवार वेबसाइटवरील अधिकृत नोटिफिकेशन तपासू शकतात. 

हे ही वाचा: छत्रपती संभाजीनगर: 4 अल्पवयीन मुली अचानक बेपत्ता! दोघी यापूर्वीही घर सोडून गेल्या होत्या, कुटुंबीय म्हणाले की...

कसा कराल अर्ज? 

1. या भरतीमध्ये सहभागी होण्यासाठी उमेदवार www.joinindiannavy.gov.in या अधिकृत वेबसाइटवर जाऊन अर्ज करू शकतात. 
2. वेबसाइटवर जाऊन आधी ईमेल आयडी आणि मोबाईल नंबरच्या मदतीने रजिस्ट्रेशनची प्रक्रिया पूर्ण करा. 
3. आता प्राप्त लॉगिन आयडीच्या साहाय्याने वेबसाइटवर लॉगिन करा. 
4. त्यानंतर, अर्जाच्या लिंकवर जाऊन फॉर्म भरण्यास सुरूवात करा. 
5. यामध्ये वैयक्तिक माहिती आणि शैक्षणिक पात्रतेसंबंधी माहिती भरा. 
6. माहिती भरल्यानंतर अर्ज सबमिट करा आणि त्याची प्रिंटआउट काढून ती सुरक्षितरित्या ठेवा. 
7. भरतीसंबंधी अधिक माहिती जाणून घेण्यासाठी उमेदवार इंडियन नेव्हीच्या अधिकृत वेबसाइटला भेट देऊ शकतात.