Govt Job: सरकारी बँकेत ऑफिसरच्या हजारो पदांसाठी भरती; कधीपर्यंत कराल अर्ज?

या भरतीसाठी अर्जाची प्रक्रिया 1 जुलै 2025 पासून सुरू करण्यात आली असून उमेदवार 15 जुलै 2025 पर्यंत अर्ज करु शकतात. या भरतीसाठी इच्छुक उमेदवार ibps.in या IBPS च्या अधिकृत वेबसाइटवर जाऊन ऑनलाईन अर्ज भरू शकतात. या भरतीअंतर्गत देशभरातील विविध सरकारी बँकेत ऑफिसर पदासाठी नियुक्त्या केल्या जातील.  यासाठी पात्र उमेदवार ऑनलाइन माध्यमातून अर्ज करु शकतात.

शैक्षणिक पात्रता 

या भरतीच्या माध्यमातून बँकेतील ऑफिसर पदाच्या एकूण 5208 जागा भरल्या जातील. यासाठी अर्ज करणाऱ्या उमेदवाराकडे कोणत्याही मान्यताप्राप्त विद्यापीठातून पदव्युत्तर पदवी असणे आवश्यक आहे. पदानुसार, संबंधित क्षेत्रात डिप्लोमा किंवा पदव्युत्तर पदवी देखील अनिवार्य असू शकते. 

हे ही वाचा: बंद खोलीत 7 महिन्याच्या गरोदर महिलेसोबत तांत्रिकाने... भूतबाधेच्या नावाखाली भयानक प्रकार

वयोमर्यादा

या भरतीसाठी वयोमर्यादा 1 जुलै 2025 तारखेला अनुसरून किमान 20 वर्षे आणि कमाल 30 वर्षे निश्चित करण्यात आली आहे. तसेच, राखीव प्रवर्गातील उमेदवारांना उच्च वयोमर्यादेत सूट दिली जाईल.

अर्जाचे शुल्क

या भरतीमध्ये अर्ज करण्यासाठी जनरल (Open), ओबीसी (OBC) आणि ईडब्ल्यूएस (EWS) प्रवर्गातील उमेदवारांना 850 रुपये शुल्क भरावे लागेल. तर एससी (SC), एसटी (ST) आणि पीएच (दिव्यांग) प्रवर्गासाठी ही फी 175 रुपये निश्चित करण्यात आली आहे.

हे ही वाचा: "लवकर कारमध्ये बस..." मेट्रो स्टेशनवर जाणाऱ्या महिलेला बंदूक दाखवून धमकी; नेमकं काय घडलं?

अर्ज भरण्याची प्रक्रिया पूर्णपणे ऑनलाइन असून उमेदवारांनी लवकरात लवकर फॉर्म भरण्याचा सल्ला दिला जात आहे.