मर्सिडीज उलटली, 9 एअर बॅघ उघडल्या, तरी बड्या उद्योजकाचा मृत्यू; समृद्धीवर भीषण अपघात

हे ही वाचा >>खळबळजनक! क्रिकेटचा वाद टोकाला पोहचला... विद्यार्थ्याने शाळेतच केले चाकूने वार अन्...

मिळालेल्या माहितीनुसार, सुनील हेकरे हे त्यांच्या मर्सिडीज GLS 400D या आलिशान एसयूव्हीमधून प्रवास करत होते. ही गाडी त्यांचा मुलगा चालवत होता, तर सुनील हेकरे समोरील सीटवर आणि त्यांची पत्नी व दुसरा मुलगा मागच्या सीटवर बसले होते.

शहापूरजवळ महामार्गावर पावसाचे पाणी साचले होते. यावेळी दुसऱ्या गाडीने वेगाने पाण्यातून जाण्यामुळे साचलेले पाणी हेकरे यांच्या गाडीच्या काचेवर उडाले. परिणामी, काही सेकंद चालकाला समोरचे दृश्य दिसेनासे झाले. गाडीचा वेग जास्त असल्याने नियंत्रण सुटले आणि गाडी दुसऱ्या लेनमध्ये घुसून दुभाजकाला धडकली अशी माहिती समोर आली आहे. 

हे ही वाचा >> "तुमच्या अंगावरचे कपडे, तुझ्या बापाला पेरणीला 6,000 आम्ही दिले... ", BJP आमदार लोणीकर यांच्या वक्तव्यानं वाद होणार?

या अपघातात सुनील हेकरे गाडीच्या दरवाजातून बाहेर फेकले गेले आणि त्यांच्या डोक्याला गंभीर दुखापत झाली. मर्सिडीज GLS 400D मध्ये 9 एअर बॅग असूनही हेकरे यांच्या बाजूची एअर बॅग उघडली गेली, तरी त्यांचा जीव वाचला नाही. मात्र, इतर प्रवाशांच्या एअर बॅग उघडल्याने त्यांची पत्नी आणि दोन मुलांचा जीव वाचला, तरी ते जखमी झाले. जखमींना तातडीने रुग्णालयात दाखल करण्यात आले.
या घटनेने नाशिकच्या उद्योग वर्तुळात शोककळा पसरली आहे. पोलिसांनी अपघाताचा तपास सुरू केला असून, रस्त्यावरील पाणी साचण्यासह इतर कारणांचा शोध घेतला जात आहे.