सोलापूर : रीलस्टार- हॉटेल ग्रामपंचायतच्या मालकीणीची आत्महत्या, आता नवऱ्याची पोस्ट व्हायरल

हेही वाचा : आयटी क्षेत्रातील नोकरी सोडून शेती करण्याचा निर्णय, पण गावाकडे जीव गेला

हॉटेलच्या स्वयंपाकघरात केली आत्महत्या

ब्रह्मपुरी येथील “हॉटेल ग्रामपंचायत”च्या स्वयंपाकघरात मंगळवारी दुपारी अडीचच्या सुमारास रोहिणी यांनी पत्र्याच्या लोखंडी अँगलला दोरीच्या सहाय्याने गळफास घेतल्याचे समोर आले. ही घटना उघडकीस आल्यानंतर पती निलेश यांनी त्यांना तातडीने मंगळवेढा ग्रामीण रुग्णालयात उपचारासाठी दाखल केले, परंतु डॉक्टरांनी त्यांना तपासणीअंती मृत घोषित केले. या प्रकरणी पती निलेश पाराध्ये यांनी दिलेल्या माहितीनुसार पोलीस ठाण्यात रीतसर खबर नोंदवण्यात आली आहे. रोहिणी यांनी आत्महत्या का केली, यामागील नेमके कारण अद्याप गुलदस्त्यात असून पोलीस प्रशासनाकडून सखोल तपास केला जात आहे. व्यवसाय चांगला स्थिरावत असताना रोहिणी यांनी असे टोकाचे पाऊल का उचलले, या प्रश्नाने नातेवाईक आणि चाहत्यांनाही संभ्रमात टाकले आहे.

हेही वाचा : Maharashtra Weather : राज्यात 12 तास धोक्याचे! पाऊस धिंगाणा घालणार, 14 जिल्ह्यांना अलर्ट

करुणेचा हरवला सागर, रीलस्टारच्या पतीची फेसबुक पोस्ट

रोहिणी यांच्या निधनानंतर सोशल मीडियावर त्यांच्या चाहत्यांकडून श्रद्धांजली वाहण्यात येत आहे. त्यांच्या पती निलेश यांनी सोशल मीडियावर एक भावूक पोस्ट शेअर केली आहे, ज्यामध्ये त्यांनी म्हटले आहे की, "मायेची गेली सावली! करुणेचा हरवला सागर!! उरली नाही साथ आम्हाला! आठवण येते क्षणाक्षणाला!!" ही पोस्ट सध्या सोशल मीडियावर प्रचंड व्हायरल होत असून, रोहिणी यांच्या चाहत्यांकडून हळहळ व्यक्त केली जात आहे. 

एक आनंदी आणि उत्साही रीलस्टार म्हणून ओळखल्या जाणाऱ्या रोहिणी यांच्या अकाली निधनामुळे मंगळवेढा तालुक्यात शोककळा पसरली आहे. पोलीस आता या प्रकरणाचा तपास करत आहेत.