सोलापुरातील ऊसतोड कामगाराचे कर्नाटकातील महिलेशी अनैतिक संबंध, पत्नीचा कोयत्याने वार करुन काटा काढला

अनैतिक संबंधांवरून सुरू झालेले वाद पेटले

मिळालेल्या माहितीनुसार, आरोपी जकप्पा पुजारी ऊसतोड कामगार असून, विजापूर जिल्ह्यातील एका महिलेसोबत त्याचे कथित प्रेमसंबंध असल्याचा संशय पत्नी सविताला बळावत होता. या प्रकरणावरून दाम्पत्यामध्ये गेल्या काही महिन्यांपासून सातत्याने वाद सुरू होते. काही दिवसांपूर्वी ऊसतोडीच्या हंगामासाठी दोघे वडापूर येथील एका शेतात मुक्कामी आले होते. इथेही जुनाच मुद्दा समोर येताच रविवारी मध्यरात्रीनंतर सविता आणि जकप्पा यांच्यात मोठा वादंग झाला. अनैतिक संबंधांच्या आरोपांमुळे संतापलेल्या जकप्पाने परिस्थितीचे भान हरपले.

हेही वाचा : पालघरमध्ये रक्षक झाले भक्षक, महिलेला चौकशीसाठी बोलावलं, पोलीस ठाण्यातच... हवालदार झाला राक्षस

रागाच्या भरात पतीकडून कोयत्याने हल्ला

वाद चिघळताच जकप्पा हा संतापाच्या भरात गेला आणि जवळच असलेल्या कोयत्याने पत्नीच्या डोक्यावर तसेच गळ्यावर सलग वार केले. गंभीर जखमांमुळे सविताचा घटनास्थळीच मृत्यू झाला. आवाज ऐकून शेतात काम करणाऱ्या इतर कामगारांनी धाव घेतली, मात्र तोपर्यंत रक्ताच्या थारोळ्यात पडलेली सविता मृतावस्थेत होती. घटनेची माहिती वाऱ्यासारखी पसरताच गावात आणि परिसरात खळबळ उडाली. घटनेची माहिती मिळताच मंद्रूप पोलिस ठाण्याचे पथक तात्काळ घटनास्थळी दाखल झाले. उपविभागीय पोलिस अधिकारी संकेत देवळेकर, प्रभारी सहाय्यक निरीक्षक ज्ञानेश्वर उधार, पीएसआय राजकुमार डांगे आणि फौजदार रवींद्र चव्हाण यांनी घटनास्थळाची पाहणी केली.

पोलिसांनी हत्या करण्यासाठी वापरलेला कोयता जप्त केला असून, आरोपी जकप्पा पुजारी याला ताब्यात घेण्यात आले. या प्रकरणी आरोपीच्या नात्यातील दादागोंड महादेव कट्टीमनी यांनी मंद्रूप पोलिस ठाण्यात तक्रार दिली आहे. पुढील तपास फौजदार राजकुमार डांगे यांच्या मार्गदर्शनाखाली सुरू आहे. या क्रूर घटनेमुळे वडापूर आणि आसपासच्या भागात भीतीचे वातावरण आहे. अनैतिक संबंधांवरून निर्माण झालेल्या कौटुंबिक वादाचे असे भीषण रूप पाहून नागरिक हादरले असून, ऊसतोड कामगारांच्या वस्तीतही या हत्येची चर्चा आहे.

इतर महत्त्वाच्या बातम्या 

Maharashtra Weather : राज्यात 'या' भागात थंडीची लाट, तर काही ठिकाणी धुक्याची चादर पसरणार