अश्लील भाषेत शिवीगाळ

मिळालेल्या माहितीनुसार, सुरज जगताप नावाच्या व्यक्तीने पुजारी कार्यालयात येऊन एका दिव्यांग भाविकासाठी डोलीची मागणी केली होती. त्यावेळी जनसंपर्क अधिकारी अभिजीत तेरखेडकर आणि सहाय्यक जनसंपर्क अधिकारी उमाकांत क्षीरसागर यांनी सुरक्षेच्या कारणास्तव ही सेवा तात्पुरती स्थगित असल्याचे स्पष्ट केले. यानंतर सुरज जगताप यांनी विजय विलास गंगणे यांना मोबाईलवर संपर्क साधून फोन उमाकांत क्षीरसागर यांच्याकडे दिला. फोनवर बोलताना विजय गंगणे यांनी डोली सेवा बंद ठेवल्याचा जाब विचारत दोन्ही अधिकाऱ्यांना अश्लील भाषेत शिवीगाळ केली आणि शासकीय कामकाजात अडथळा निर्माण केला.

हे ही वाचा : शरद पवार यांनी पंतप्रधान नरेंद्र मोदींची घेतली भेट, फोटो व्हायरल

मंदिर प्रशासनात लाट

या प्रकरणी जनसंपर्क अधिकारी अभिजीत अनंतराव तेरखेडकर यांनी दिलेल्या फिर्यादीवरून तुळजापूर पोलिसांनी विजय विलास गंगणे (रा. तुळजापूर, जि. धाराशिव) याच्याविरुद्ध भारतीय न्याय संहितेतील कलम 296 आणि 351(4) अन्वये एफआयआर नोंदवला आहे. मंदिर संस्थानच्या जबाबदार अधिकाऱ्यांशी झालेल्या या गैरवर्तनामुळे आणि मानसिक त्रासामुळे संपूर्ण मंदिर प्रशासनात संतापाची लाट पसरली आहे.

हे ही वाचा : मोठी बातमी : जेपी नड्डा, जितेंद्र सिंह यांनी मध्यरात्रीच घेतली वांगचुक यांची भेट, नेमकं काय घडलं?

काळी फीत लावून कामबंद आंदोलन

या घटनेचा तीव्र निषेध नोंदवण्यासाठी मंदिर संस्थानच्या सर्व अधिकारी आणि कर्मचाऱ्यांनी हाताला काळी फीत लावून दिवसभर कामबंद आंदोलन छेडले. आंदोलनकर्त्या कर्मचाऱ्यांनी जिल्हाधिकारी तथा मंदिर संस्थानचे अध्यक्ष कीर्ती किरण पुजार यांची भेट घेऊन त्यांना मागण्यांचे निवेदन सादर केले. अधिकाऱ्यांना फोनवरून धमकावल्यामुळे कर्मचाऱ्यांमध्ये भीतीचे वातावरण तयार झाल्याचे या निवेदनात नमूद करण्यात आले असून, दोषींवर तातडीने व कठोर कायदेशीर कारवाई करण्याची ठाम मागणी मंदिर प्रशासनातील कर्मचाऱ्यांनी केली आहे.

हे ही वाचा : शरद पवारांना आंदोलनस्थळी जाण्यापासून का अडवण्यात आलं?

कोण आहेत विजय गंगणे?

विजय गंगणे हे तुळजापूर येथील भाजपचे युवा नेते म्हणून ओळखले जातात. त्यांनी तुळजापूर कृषी उत्पन्न बाजार समितीचे माजी उपसभापती म्हणून काम केले आहे. त्यांचे बंधू विनोद गंगणे हे तुळजापूर नगर परिषदेचे नगराध्यक्ष आहेत, तर पत्नी प्रियांका गंगणे या नगरसेविका आहेत. अर्चना गंगणे या यापूर्वी दोन वेळा नगराध्यक्ष राहिल्या आहेत. यापूर्वीही विजय गंगणे हे शिवाजी महाराज व रायरेश्वर संदर्भातील वादग्रस्त वक्तव्ये तसेच नगरपरिषद निवडणुकीत त्यांनी ओमराजे बद्दल वादग्रस्त वक्तव्य केले असल्याने चर्चेत आले होते स्थानिक राजकीय वक्तव्यांमुळे चर्चेत आले होते. तसेच तुळजापूर ड्रग्ज प्रकरणातील आरोपी विनोद गंगणे यांचे ते बंधू असल्याचाही उल्लेख राजकीय व सामाजिक वर्तुळात केला जातो.