नव्या नवरीसोबत केलं भयंकर कृत्य, डॉक्टर नवऱ्याचं गुपित तब्बल 6 महिन्यांनी आलं समोर

डॉ. कृतिका रेड्डी ही व्हिक्टोरिया हॉस्पिटलमध्ये त्वचारोगतज्ज्ञ (डर्मेटोलॉजिस्ट) होती. तिचा पती डॉ. महेंद्र रेड्डी हा त्याच हॉस्पिटलमध्ये जनरल सर्जन होता. कृतिका ही मागील काही काळापासून आजारी होती, म्हणून ती तिच्या वडिलांच्या घरी म्हणजे माहेरीच राहत होती. या दरम्यान, तिचा पती महेंद्रही तिला वारंवार भेटायला येत असे. त्यावेळी सर्वांना वाटायचं की, तो आपल्या पत्नीची म्हणजेच कृतिकाची विचारपूस करण्यासाठी येत असावा, परंतु वास्तव काहीतरी वेगळेच होते.

अचानक बिघडली कृतिकाची तब्येत 

दोन दिवसांपासून महेंद्रने कृतिकाला IV इंजेक्शन्स दिले. ते देताना त्याने सांगितलं होतं की, तिच्या आरोग्यासाठी ही इंजेक्शन्स चांगली आहेत. पण, 23 एप्रिलच्या रात्री कृतिकाची तब्येत अचानक बिघडली. त्यामुळे तिला तात्काळ रुग्णालयात नेण्यात आलं, जिथे डॉक्टरांनी तिला मृत घोषित केलं. त्यावेळी पोलिसांनी हा अनैसर्गिक मृत्यू मानून UDR नोंदवला.

हे ही वाचा>> सासूचं आणि जावयाचं होतं लफडं, संबंध ठेवल्याचे व्हिडिओही बनवले, नंतर पत्नीसह तिच्या आईने नको तेच...

दरम्यान, तब्बल सहा महिन्यांनंतर, फॉरेन्सिक अहवालातून सत्य बाहेर आलं. अहवालात नमूद करण्यात आलं होतं की, कृतिकाच्या शरीरात प्रोपोफोल नावाचे भूल देणारे औषध आढळले. हे तेच औषध जे फक्त शस्त्रक्रियागृहात रुग्णांना भूल देण्यासाठी अत्यंत अल्प प्रमाणात वापरले जाते. पण फॉरेन्सिक रिपोर्टमधून स्पष्टपणे दिसून आले की, कृतिकाला हे औषध जाणूनबुजून देण्यात आले होते.

बहिणीने व्यक्त केला संशय 

कृतिकाची बहीण, डॉ. निकिता रेड्डी हिला तिच्या बहिणीचा मृत्यू अनैसर्गिक असल्याचा संशय आला होता. तिच्या विनंतीनंतर, पोलिसांनी नवीन तपास सुरू केला. तपासात असे दिसून आले की आरोपी महेंद्र आणि त्याच्या कुटुंबावर यापूर्वी अनेक गुन्हेगारी गुन्हे दाखल होते, जे लग्नाच्या वेळी लपवून ठेवण्यात आले होते.

हे ही वाचा>> वडिलांचे गावातील तरुणीसोबत अनैतिक संबंध! पण पुढे घडलं असं की ज्याचा तुम्ही नाही करू शकत विचार!

प्रकरणाचा तपास सुरू

अखेर पोलिसांनी मणिपालमध्ये डॉ. महेंद्र रेड्डी याला अटक केली. त्याने हा कट कसा रचला आणि तो नैसर्गिक मृत्यू असल्याचे भासवण्याचा प्रयत्न का केला? याबद्दल आता त्यांची चौकशी केली जात आहे. पतीने आपल्या पत्नीसोबत असे का केले याचा शोध पोलीस सध्या घेत आहेत.