"हिच्या गर्भात जीनचं बाळ..." उपचाराच्या नावाखाली मांत्रिकाचं पीडितेसोबत मंदिरात नको ते कृत्य...

अंधश्रद्धेच्या आहारी जाऊन मांत्रिकाकडे पाठवलं...   

अंधश्रद्धेच्या आहारी जाऊन कुटुंबियांनी कोणत्याही मेडिकल तापसणीशिवाय आपल्या मुलीला मांत्रिकाकडे पाठवण्याचं ठरवलं. त्या मांत्रिकाशी संपर्क साधला असता त्याने पुजेच्या बहाण्याने पीडितेला अमरपुरा येथील एका मंदिरात बोलवलं. मुलीला घेऊन कुटुंबीय आरोपी मांत्रिकाकडे गेलं आणि त्यावेळी, अल्पवयीन मुलगी 6 महिन्यांची गर्भवती असून तिच्या पोटात जीनचं बाळ आहे आणि हे तिच्या आरोग्यासाठी धोकादायक ठरू शकतं, असं सांगून त्याने तिच्या कुटुंबियांना घाबरवलं. 

हे ही वाचा: लग्नाला 14 दिवस उरले असताना नवरी समलिंगी मैत्रिणीसोबत फरार... लेसबिअन नात्याचं धक्कादायक प्रकरण

नग्न अवस्थेत व्हिडीओ शूट केला अन्...   

आरोपानुसार, त्या मांत्रिकाने अल्पवयीन पीडितेला मंदिराच्या आवारात बनलेल्या एका खोलीत नेऊन बळजबरीने तिला कपडे काढण्यास भाग पाडलं. त्यानंतर, पीडितेने यासाठी विरोध केल्यानंतर, मांत्रिकाने तिच्या कुटुंबियांना तिची बदनामी करण्याची धमकी दिली. इतकेच नव्हे तर, त्याने तिच्यासोबत घृणास्पद कृत्य केलं आणि नग्न अवस्थेत तिचा व्हिडीओ बनवला. 

हे ही वाचा: पालघर : सलूनमध्ये 'काश्मीर बनेगा पाकिस्तान' गाणं मोठ्या आवाजात वाजवलं, पोलिसांनी आरोपीला उचललं...

बदनामीच्या भीतीमुळे, त्या मांत्रिकाने पीडितेच्या कुटुंबाकडून जवळपास तीन लाख रुपये उकळले. घटनेनंतर, आरोपींनी पीडितेच्या कुटुंबियांना मोबाईल फोनवर शिवीगाळ केली आणि जीवे मारण्याची धमकी दिली. सध्या या प्रकरणात आरोपी मांत्रिक, त्याची पत्नी आणि त्याचा साथीदार यांच्याविरुद्ध एफआयआर दाखल करण्यात आला आहे.