अहिल्यानगर: दहा वर्षांचे प्रेमसंबंध, प्रियकराचा संशय अन् 42 वर्षीय महिलेची हत्या

हे ही वाचा : क्रूर बापाने नऊ महिन्याच्या बाळाला स्कायवॉकवरून फेकलं, उपचारादरम्यान मृत्यू

अनिताचे अन्य व्यक्तीशी प्रेमसंबंध

अनिता आणि संतोष यांच्यात गेली दहा वर्षांपासून प्रेमसंबंध होते. अनिताचे अन्य एका व्यक्तीशी प्रेमसंबंध असल्याचा संतोषला संशय होता. यामुळे दोघांमध्ये सतत वाद निर्माण झाले होते. यात संशयातून हा हल्ला झाल्याची माहिती समोर आली. घटनेची माहिती मिळताच भिंगार कॅम्प पोलिसांनी घटनास्थळी धाव घेतली. उपविभागीय पोलीस अधिकारी दिलीप टिपरसे यांनीही पाहणी केली.

संतोष धोत्रे याला पोलिसांनी घेतले ताब्यात

दरम्यान, मृतदेह हा शवविच्छेदनासाठी जिल्हा शासकीय रुग्णालयात दाखल करण्यात आला होता. अनिता यांचा मुलगा योगेश अळकुटे याची फिर्याद नोंदवण्यात आली होती. संशयित संतोष धोत्रे याला पोलिसांनी ताब्यात घेतले आहे. हत्येमागील नेमके कारण आणि घटनाक्रमाचा तपास भिंगार कॅम्प पोलीस करत आहेत. 

हे ही वाचा : लातूर: नाल्यात फेकले नवजात बालक, ग्रामस्थांनी वाचवला जीव

या हत्येमुळे गावात भीतीचे वातावरण पसरले असून संतापाची लाट पसरली आहे. प्रेमसंबंधातून झालेला संशय एका महिलेच्या जीवावर बेतल्याची आता चर्चा सुरू झाल्याचे वृत्त आहे. या हत्येमागील कारण पोलीस पुढील तपासातून स्पष्ट करतील. या घटनानंतर गावातील परिस्थिती शांत आहे.