Rape Case: 80 वर्षाचा वासनांध वृद्ध, 11 वर्षाच्या अल्पवयीन मुलीवर बलात्कार

नेमकी घटना काय?

दररोजप्रमाणे सोमवारीही अल्पवयीन मुलगी दूध घेण्यासाठी वृद्धाच्या घरी गेली. पण पुढे तिच्यासोबत काय होणार आहे याची तिला अजिबात कल्पना नव्हती. मुलगी एकटी असल्याचे पाहून वृद्धाने तिला पकडले. त्यानंतर त्याने तिच्यावर पाशवी बलात्कार केला. यावेळी तरुणीने आरडाओरडा सुरू केला. तिचा आरडाओरडा ऐकून आजूबाजूचे लोक तेथे पोहोचले. पण लोक येत असल्याचे पाहून वृद्धाने घटनास्थळावरून पळ काढला.

हे ही वाचा >> IIT Bombay: विद्यार्थ्याने खाल्लं Non-Veg, बसला हजारो रुपयांचा दणका

त्यानंतर लोकांनी मुलीला तिच्या कुटुंबीयांच्या ताब्यात दिले. मुलीने घडलेली संपूर्ण घटना तिच्या कुटुंबीयांना सांगितली. त्यामुळे कुटुंबीयांनी तात्काळ पोलीस ठाणे गाठून आरोपी वृद्धाविरुद्ध गुन्हा दाखल केला. तक्रारीच्या आधारे पोलिसांनी पोक्सो कायद्याच्या कलम 376 अन्वये गुन्हा दाखल करून मुलीला वैद्यकीय तपासणीसाठी पाठवले. पोलिसांनी काही पथके तयार करून आरोपींचा शोध सुरू केला.

बांदा डीएसपी राकेश कुमार यांनी सांगितले की, त्यांना एका 11 वर्षांच्या मुलीवर बलात्कार झाल्याची तक्रार मिळाली आहे. पोलिसांनी तात्काळ गुन्हा दाखल करून आरोपींचा शोध सुरू केला. मुलीची वैद्यकीय तपासणीही करण्यात आली आहे. आरोपींना कोणत्याही परिस्थितीत सोडले जाणार नाही. लवकरच त्याला अटक करून कडक कारवाई केली जाईल.

हे ही वाचा >> Wagh Nakha : इतिहास बदलून टाकणारं छत्रपती शिवराजी महाराजांचं प्रतापगडवरचं युद्ध! वाघनखांची…

मात्र, या घटनेने संपूर्ण गावात तणावाचं वातावरण निर्माण झालं आहे. आरोपीला पकडून त्याला कठोर शासन करण्यात यावं अशी मागणी पीडित मुलीचे कुटुंबीय आणि गावकरी करत आहेत.