10000 अश्लील व्हिडीओ, 40000 फोटो.., टेलीग्रामवरुन विक्री, बँक खात्यात डोळे विस्फारणारी रक्कम!

हेही वाचा : बीड : स्वराती मेडिकल कॉलेजमधील भूलतज्ज्ञ विभागप्रमुखांचा मृत्यू, नेमकं काय घडलं?

आरोपी विकास सिंग याच्या धरपकडीसाठी स्थापन करण्यात आलेल्या पोलिसांच्या संयुक्त पथकाने अत्यंत अचूक रणनीती आखून वेढा घातला आणि विकासला बेड्या ठोकल्या. अटक करण्यात आलेला विकास सिंह हा मूळचा प्रयागराज येथील न्यू मार्केट परिसराचा रहिवासी आहे. पोलिसांनी त्याला ताब्यात घेऊन जेव्हा कडक शब्दांत चौकशी सुरू केली, तेव्हा त्याच्या या काळ्या डिजिटल साम्राज्यातील अनेक धक्कादायक बाबी एकामागून एक समोर आल्या. पोलीस चौकशीत विकास सिंहने स्वतः कबूल केले आहे की, तो टेलिग्राम आणि इंस्टाग्रामवर वेगवेगळ्या नावांनी अनेक ग्रुप्स आणि चॅनेल्स चालवत होता. या चॅनेल्सच्या माध्यमातून तो लोकांकडून पैसे उकळत असे आणि डिजिटल जगतात हा काळा व्यवसाय राजरोसपणे चालवत होता.

हेही वाचा : 

21 टेलिग्राम चॅनेल्स आणि 7000 पेक्षा जास्त सदस्य

पोलिसांच्या सखोल तपासातून आणि आरोपीच्या चौकशीतून असे निष्पन्न झाले आहे की, विकासने केवळ टेलिग्रामवरच तब्बल 21 वेगवेगळे चॅनेल्स तयार केले होते. या सर्व चॅनेल्सवर मिळून एकूण सुमारे 7 हजार सदस्य जोडले गेले होते. पोलिसांना या चॅनेल्सच्या झाडाझडती दरम्यान तब्बल 10,000 अश्लील व्हिडिओ आणि 40,000 पेक्षा जास्त अश्लील फोटो मिळून आले आहेत, ज्याचा साठा त्याने लोकांना विकण्यासाठी गोळा केला होता. या ग्रुप्समध्ये नवीन लोकांना जोडण्यासाठी तो रीतसर सबस्क्रिप्शन (शुल्क) आकारत असे आणि पैसे मिळाल्यानंतरच ग्राहकांना ही अश्लील सामग्री पाठवली जात असे.

चार बँक खात्यांमध्ये करोडोंची उलाढाल; 2020 पासून होता सक्रिय

हा प्रकार केवळ अश्लीलता पसरवण्यापुरता मर्यादित नसून यामागे करोडो रुपयांचे एक भक्कम आणि सुनियोजित बिझनेस मॉडेल काम करत होते. हरदोई पोलिसांनी जेव्हा विकास सिंहच्या या आर्थिक साम्राज्याची कसून चौकशी केली, तेव्हा त्याच्या नावावर असलेले चार वेगवेगळ्या बँकांमधील खाते समोर आले. विकासच्या या चार बँक खात्यांमध्ये एकूण 1 कोटी 20 लाख रुपयांची प्रचंड मोठी रोकड जमा असल्याचे पोलिसांना आढळून आले आहे. या खात्यांवर जमा झालेली ही प्रचंड रक्कम नेमकी कुठून आणि कशा प्रकारे आली, याच्या स्त्रोतांचा पोलीस आता सखोल शोध घेत आहेत. चौकशी दरम्यान आरोपीने सांगितले की, तो वर्ष 2020 पासून सलग या अवैध आणि अनैतिक कृत्यांमध्ये पूर्णपणे सहभागी होता.