सासूने सुनेला रात्री 1 वाजता प्रियकरासोबत रेड हँड 'नको त्या' अवस्थेत पकडलं, अन् अर्धा तासात...

आपले गुपित उघड होईल आणि समाजात बदनामी होईल या भीतीने सून आणि तिच्या प्रियकराने माणुसकीची सर्व सीमा ओलांडली. पकडले गेल्याच्या अवघ्या काही मिनिटांतच त्यांनी सासूचा काटा काढण्याचे ठरवले. दोघांनी मिळून सासूवर झडप घातली आणि उशीने तिचे तोंड व गळा दाबण्यास सुरुवात केली. वृद्धेने स्वतःचा जीव वाचवण्यासाठी मोठा संघर्ष केला, परंतु क्रूर आरोपींनी तोपर्यंत दाब देऊन धरला जोपर्यंत तिचे श्वास थांबले नाहीत. या झटापटीत वृद्धेच्या मानेचे हाडही तुटले आणि अवघ्या अर्ध्या तासात एका संशयास्पद मृत्यूचा खेळ रचला गेला.

हेही वाचा : वहिणी 'नाही' म्हटल्याने सलून चालकाने केले कांड, वहिणीसह चिमुकल्या पुतणींवर फेकले ॲसिड; पोलिसांनाही दिला गुंगारा

हार्ट अटॅकचा बनाव आणि जमीन खोदून बाहेर काढलेला मृतदेह

हत्येला नैसर्गिक मृत्यूचे रूप देण्यासाठी सुनेने अत्यंत थंड डोक्याने कट रचला. पहाटे तीनच्या सुमारास तिने आपल्या पतीला फोन केला आणि आईला 'सायलेंट हार्ट अटॅक' आल्याचा बनाव रचला. तिच्या बोलण्यातील विश्वासार्हतेमुळे कुटुंबाने संशय न घेता रितीरिवाजाप्रमाणे मृतदेहाचे दफन केले. आरोपींना वाटले की आपण कायद्याच्या तावडीतून सुटलो आहोत, मात्र काही दिवसांनंतर मृतकेच्या पतीला पत्नीच्या मृत्यूबाबत संशय आला. त्यांनी तातडीने पोलिसांकडे धाव घेतली, ज्यानंतर जिल्हाधिकाऱ्यांच्या विशेष आदेशाने दफन केलेला मृतदेह पुन्हा बाहेर काढण्यात आला.

पोस्टमॉर्टम रिपोर्ट समोर येताच सुनेचा 'हार्ट अटॅक'चा खोटा दावा पूर्णपणे फसला. वैद्यकीय अहवालात मृत्यूचे कारण गुदमरणे आणि मानेचे हाड तुटणे असल्याचे स्पष्ट झाले, जे हत्येचा थेट पुरावा होते. मथुरा पोलिसांनी या प्रकरणाचा तातडीने तपास चक्र फिरवून सून आणि तिचा प्रियकर आदिल या दोघांनाही बेड्या ठोकल्या आहेत. एका अनैतिक संबंधापायी स्वतःच्याच सासूचा जीव घेणाऱ्या या सुनेच्या कृत्याने संपूर्ण जिल्ह्यात संताप व्यक्त केला जात असून, सध्या दोन्ही आरोपींची रवानगी तुरुंगात करण्यात आली आहे.

इतर महत्त्वाच्या बातम्या 

डॉक्टरांनी महिलेला 'ब्रेन डेड' घोषित केलं, व्हेंटिलेटर काढलं; अंत्यसंस्काराची तयारी अन् रुग्णवाहिकेतून नेताना जागी झाली