भाजपच्या बुथ प्रमुखाची गोळ्या झाडून हत्या, आरोपीच्या वडिलांची गळफास घेऊन आत्महत्या, आईने विष घेतलं

दोन आरोपी फरार, आरोपीच्या वडिलांची आत्महत्या

दरम्यान, या प्रकरणी पोलिस तपासात समोर आले की, मृत निलेश रजक आणि मुख्य आरोपी प्रिन्स जोसेफ तसेच त्याचा साथीदार अकरम खान यांच्यात काही दिवसांपूर्वी वाद झाला होता. त्याच वादातून ही हत्या करण्यात आली. दोघेही कैमोरमधील अमरैयापार भागातील रहिवासी आहेत. पोलिसांनी त्यांच्या घरी छापे टाकले, पण ते फरार झाल्याची माहिती समोर आली. त्यानंतर प्रिन्स जोसेफच्या वडिलांनी गळफास घेऊन आत्महत्या केली, तर आईने विषप्राशन केले. आईची प्रकृती गंभीर असून तिच्यावर कटनी जिल्हा रुग्णालयात उपचार सुरू आहेत.

हेही वाचा : आरोप करणं सोपं, चौकशीनंतर सत्य काय? उघडकीस येईल, रणजितसिंह निंबाळकरांबाबत उदयनराजेंनी मांडली भूमिका

बँक ऑफ बडोदासमोर गोळीबार

कैमोर बाजारात भाजपचे बूथ अध्यक्ष निलेश उर्फ नीलू रजक यांच्यावर मंगळवारी सकाळी सुमारे 11 वाजता दोन युवकांनी गोळ्या झाडल्या. प्रत्यक्षदर्शींनुसार, निलेश बँक ऑफ बडोदासमोरून आपल्या दुचाकीवर जात होते. त्याचवेळी दुचाकीवर आलेल्या दोन अज्ञात युवकांनी त्यांच्यावर अनेक गोळ्या झाडल्या आणि पळ काढला. गंभीर जखमी अवस्थेत निलेश यांना तातडीने विजयराघवगड आरोग्य केंद्रात नेण्यात आले, मात्र डॉक्टरांनी त्यांना मृत घोषित केले. हल्लेखोरांनी चेहऱ्यावर मास्क घातला होता. गोळीबारानंतर ते दुचाकीवरून पसार झाले. पोलिसांना घटनास्थळावरून रक्ताने माखलेले कपडे मिळाले आहेत. या घटनेनंतर परिसरात प्रचंड संताप पसरला असून नागरिक रस्त्यावर उतरले आहेत आणि आरोपींना त्वरित अटक करण्याची मागणी करत आहेत.

12 सेकंदांत हत्या झाल्याचे CCTV फुटेजमधून समोर 

या घटनेचा सीसीटीव्ही फुटेजही समोर आला असून त्यात दोन युवक केवळ 12 सेकंदांत हत्याकांड करून पळ काढताना दिसत आहेत. हत्येनंतर संपूर्ण कैमोरमध्ये तणाव निर्माण झाला. भाजप आणि विविध हिंदू संघटनांचे कार्यकर्ते रस्त्यावर उतरले आणि बाजारपेठ बंद पाडली. पोलिसांविरोधात घोषणाबाजी सुरू झाली. कटनी जिल्हा पोलिस अधीक्षक अभिनव विश्वकर्मा, अतिरिक्त एसपी संतोष डेहरिया आणि जिल्हाधिकारी घटनास्थळी दाखल झाले. तरीही जमावाचा संताप कमी झाला नाही. नागरिकांनी कैमोर ठाण्याच्या प्रभारी अधिकाऱ्याला निलंबित करण्याची मागणी केली. त्यांचा आरोप होता की, पूर्वीपासून चाललेल्या वादाची माहिती असूनही पोलिसांनी निलेश यांना सुरक्षा दिली नाही.

इतर महत्त्वाच्या बातम्या 

मोठी बातमी : राज्यातील नगराध्यपदाच्या निवडणुकीसाठी शरद पवारांच्या राष्ट्रवादीकडून पहिल्या उमेदवाराची घोषणा