नोकरीसाठी शहरात आल्याने मामेभावाला घरात आक्षय दिला, पण पत्नीसोबत अफेअर सुरु झाल्याचा संशय, अन् काय घडलं?

अधिकची माहिती अशी की, मूळचे बिहारचे असलेले हे दोन्ही तरुण दिल्लीतील एका कारखान्यात कामाला होते. गोविंद आपल्या पत्नीसह मुंडका येथे भाड्याच्या घरात राहत होता आणि काही महिन्यांपूर्वीच त्याचा मामेभाऊ कुंदनदेखील त्यांच्यासोबत राहण्यासाठी आला होता. मात्र, गेल्या काही दिवसांपासून गोविंदला आपल्या पत्नीचे कुंदनसोबत अनैतिक संबंध असल्याचा संशय सतावत होता. तो अनेकदा त्या दोघांना घरात बोलताना पाहायचा, ज्यामुळे त्याचा संशय अधिक बळावला आणि घरात सतत भांडणे होऊ लागली. मंगळवारी रात्री याच वादाने रौद्र रूप धारण केले आणि रागाच्या भरात गोविंदने बेकायदेशीर कट्ट्यातून कुंदनच्या डोक्यात थेट गोळी झाडली. गोळी लागताच कुंदनचा जागीच मृत्यू झाला. विशेष म्हणजे, हत्या केल्यानंतर पळून न जाता आरोपीने स्वतःहून पोलिसांना फोन करून गुन्ह्याची माहिती दिली. पोलिसांनी तातडीने घटनास्थळी पोहोचून मृतदेह ताब्यात घेतला आणि शवविच्छेदनासाठी पाठवून आरोपीला गजाआड केले आहे.

घरगुती वादाचा करुण अंत; पत्नीसोबतच्या भांडणात आईचा बळी

दुसरीकडे, दिल्लीतील सीमापुरी परिसरातून रक्ताच्या नात्याला काळिमा फासणारी आणखी एक घटना समोर आली आहे. आपल्या पत्नीसोबत भांडण करत असलेल्या मुलाला शांत करण्यासाठी आणि मध्यस्थी करण्यासाठी गेलेल्या एका वृद्ध आईला स्वतःच्याच मुलाने दिलेल्या धक्क्यामुळे आपला जीव गमवावा लागला आहे. हमीदुन निशा असे मृत वृद्ध महिलेचे नाव असून त्या न्यू सीमापुरी भागात आपल्या कुटुंबासह राहत होत्या. शहादरा जिल्ह्याचे पोलीस उपायुक्त राजेंद्र प्रसाद मीणा यांनी दिलेल्या माहितीनुसार, गुरुवारी पीडितेच्या मुलीच्या जबाबावरून हा गुन्हा दाखल करण्यात आला आहे. घरात पती-पत्नीमध्ये जोरदार भांडण सुरू असताना हमीदुन निशा यांनी आपल्या मुलाला समजावण्याचा प्रयत्न केला, मात्र रागाच्या भरात असलेल्या मुलाने आपल्या आईला जोरात धक्का दिला. या धक्क्यामुळे वृद्ध माता खाली कोसळली आणि त्यांच्या डोक्याला गंभीर दुखापत झाल्याने त्यांचा जागीच मृत्यू झाला. पोलिसांनी याप्रकरणी हत्येचा गुन्हा नोंदवून तपास सुरू केला असून मृतदेह उत्तरीय तपासणीसाठी पाठवण्यात आला आहे. या दोन्ही घटनांमुळे दिल्लीतील वाढती कौटुंबिक हिंसा आणि किरकोळ संशयावरून होणारे टोकाचे गुन्हे पुन्हा एकदा चर्चेत आले असून परिसरात हळहळ व्यक्त केली जात आहे.

इतर महत्त्वाच्या बातम्या 

शिकवणी घेणाऱ्या शिक्षकाकडून तीन अल्पवयीन विद्यार्थिनीवर लैंगिक अत्याचार, AI अश्लील फोटो बनवून व्हायरल करण्याची धमकी