आधी 'वेलेंटाईन डे' अन् दुसऱ्याच दिवशी प्रेयसीला संपवलं, तरुणाने पोलीस ठाण्यात जाऊन सगळंच सांगितलं

हे ही वाचा : जालन्यात विवाहितेचा अमानुष छळ, माहेरहून पैसे आणण्यास टाकला दबाव, पीडितेनं गळफास घेत संपवलं जीवन

आधी 'वॅलेंटाईन डे' साजरा केला, नंतर तरुणाने महिलेचा गळा दाबून संपवलं

पोलिसांनी तरुणीचा मृतदेह नजीकच्या शेतातून ताब्यात घेतला. या घटनेची माहिती मिळताच गावात एकच खळबळ उडाल्याचं चित्र आहे. फॉरेन्सिक  लॅब पथकाला घटनास्थळी बोलावले आणि त्यांनी महत्त्वाचे पुरावे गोळा केले. तरुणाने तरुणीचा गळा दाबून हत्या केल्याचं प्राथमिक तपासातून समोर आलं. दरम्यान मृत्यूचे ठोस कारण अद्याप समोर आले नाही. मृतदेह शवविच्छेदनेसाठी रुग्णालयात दाखल करण्यात आला. 

महिला विधवा असल्याची माहिती

या प्रकरणात पोलिसांनी सांगितलं की, महिलेच्या हत्येची पुष्टी झाली आहे. आरोपीला ताब्यात घेण्यात आले. या प्रकरणात चौकशी सुरु असल्याची माहिती पोलिसांनी दिली, तसेच महिला विधवा होती आणि तिचे काही काळापासून आरोपी बिंदू मांझीशी प्रेमसंबंध होते. 

नातेसंबंधातील तणावातूनच हत्येचा संशय 

तपासातून समोर आले की दोघांमध्ये काही कारणांवरून वाद होता. नातेसंबंधातील तणावातूनच ही हत्या करण्यात आल्याचा संशय आहे. शवविच्छेदन आणि सखोल चौकशीनंतर खरे कारण स्पष्ट होईल. घटनेच्या वेळी इतर कोणी उपस्थित होते का याचाही पोलीस तपास करत आहेत. या प्रकरणात महिलेच्या कुटुंबातील कोणीही पुढे आलेलं नाही, यामुळे प्रकरणातील एकूण माहिती गोळा करणे कठीण होऊन बसले आहे. 

हे ही वाचा : नागपूर : पबमध्ये तुफान राडा, दोन गटात फ्री स्टाईल हाणामारी; ‘व्हॅलेंटाईन डे'च्या सेलीब्रेशनवेळी घडला प्रकार VIDEO

दरम्यान, पोलीस कॉल्स डिटेल्स तपासत असून खुनाचा गुन्हा दाखल करण्यात आला आहे. तपास पथक दोन्ही मोबाईलचे कॉल्स डिटेल्स तपासत आहेत.