4 बाळांना आईने बाथरुममध्ये दिला जन्म, कपाटात टॉवेलमध्ये गुंडाळलेल्या अवस्थेत आढळले मृतदेह, आईनं नेमकं काय केलं?

हे ही वाचा : पुण्याची गोष्ट : स्थानिक स्वराज्य संस्थांच्या निवडणुकीआधीच महिला नेत्या सक्रिय, राजकीय वातावरण चांगलंच तापले

टॉवेलमध्ये गुंडाळलेल्या अवस्थेत नवजात बाळ 

काही आठवड्यांपूर्वी जेसिकाला तिच्या घरामालकाने घर रिकामे करण्यासाठी नोटीसा जाहीर केल्या असता, हे प्रकरण उघडकीस आले. घरमालक त्याच्या सामानाची तपासणी करण्यासाठी आला तेव्हा कपाटातील टॉवेलमध्ये कचऱ्याच्या पिशव्यांमध्ये गुंडाळलेल्या अवस्थेत नवजात बाळाचा मृतदेह आढळला. त्याने पोलिसांना बोलावले आणि पोलिसांनी घटनास्थळी धाव घेतली असता, लॉफ्टमध्ये टोट बॅग आणि बादल्यांमध्ये लपवलेले आणखी तीन नवजात बाळांचे मृतदेह आढळले. याचपार्श्वभूमीवर जेसिकाला न्यायालयात हजर करण्यात आले आणि तिने सर्व आरोप फेटाळून लावले. 

तिने बाथरूममध्ये बाळांना जन्म दिला नंतर...

या प्रकरणात पोलिसांनी सांगितले की, तिने बाथरूममध्ये बाळांना जन्म दिला होता. पहिल्या बाळाबद्दल, तिने सांगितलं की, तिच्या कानावर कसलातरी आवाज ऐकू आला, नंतर ती बेशुद्ध अवस्थेत पडली होती. जेव्हा ती शुद्धीवर आली तेव्हा बाळ मृत पावले होते. दुसऱ्या आणि तिसऱ्या बाळाबद्दल विचारले असता, तिने सांगितलं की कदाचित ते बाळ मृत जन्माला आले असतील कारण त्यांनी आवाज ऐकला नाही.

 बाळाला शौचालयात जन्म दिला

चौथ्या बाळाची कहाणी थोडी वेगळी आहे. पोलिसांनी सांगितलं की, तिने चौथ्या बाळाला शौचालयात जन्म दिला आणि बाळही जिवंत होते. तिने मुलाचे रडणं ऐकलं पण, काही मिनिटे त्याला तिथेच सोडण्यात आले. नंतर, तिने मुलाला बाहेर काढले आणि एका टॉवेलमध्ये गुंडाळले. ते बाळ शांत होईपर्यंत सुमारे 15-20 मिनिटे आपल्याच मांडीवर होते. तिने सांगितले की, तिला माहिती नव्हते की, बाळाचा मृत्यू तिच्या हातून झाला. तिने त्याचे तोंड आणि नाक झाकले होते. 

हे ही वाचा : मुंबई Tak इम्पॅक्ट: सर्वात मोठी बातमी.. पुण्यातील जैन बोर्डिंग जमीन व्यवहारच रद्द, मुरलीधर मोहोळांनी सांगितली 'ती' गोष्ट

शवविच्छेदन नाही आणि जन्मलेले बाळ हे जिवंत असल्याचे कोणते पुरावेही नाहीत. वकिलाने सांगितले की, जेसिकाच्या विधानांवर विश्वास ठेवता येत नाही कारण यावेळी तिला अशक्तपणा, वेदना आणि मानसिक खच्चिकरण झाले होते. जेसिका माउथला जामीन न देता तुरुंगात पाठवण्यात आले आणि आता तिच्यावर खटला दाखल करण्यात आला आहे. संबंधित प्रकरणात सुनावणीची तारीख अद्यापही निश्चित करण्यात आलेली नाही. सध्या या प्रकरणाची चौकीशी केली जात आहे.